ބޮލީވުޑްގައި އަދިވެސް ފަނޑުވުމެއް ނެތް އެކްޓަރ އަމީތާބް ބައްޗަން އިޝްތިހާރެއްގައި އަމިއްލައަށް ސްޓަންޓް ހަދައިފިއެވެ.
ވަރުގަދަ އެކްޝަން މަންޒަރުތަކެއް ހިމެނޭ މި އިޝްތިހާރުގައި ބޮޑީ ޑަބަލްއެއް ބޭނުން ނުވާކަމަށް 79 އަހަރުގެ އަމީތާބް ވަނީ ބުނެފައެވެ.
މި ކޮމާޝަލް ޑައިރެކްޓު ކުރާ މަނޯހަރް ވަރްމާ، އީ ޓައިމްސްއާ ވާހަކަދައްކަމުން ބުނީ މި ކޮމާޝަލް ގައި ބޮޑި ޑަބަލް ބޭނުން ކުރަން އަމީތާބް ދެކޮޅު ހަދާފައި ވާކަމަށާއި އޭނާ ބެނުން ވަނީ ހުރިހާ ސްޓަންޓެއް އަމިއްލައަށް ހަދަން ކަމަށެވެ.
ނުރައްކާތެރި ސްޓަންޓް ތަކުގައި ބޮޑީ ޑަބަލް ބޭނުން ކުރުމަކީ އަމީތާބަށް ވުރެ މާޒުވާން ގިނަ އެކްޓަރުންވެސް ކޮަށް އުޅޭ ކަމެކެވެ.
"މި ކޮމާޝަލް ހެދި އިރުގައި ވަރަށް ބޮޑަށް ރަށްކާތެރި ކަމުގެ ފިޔަވަޅުތަށް އެޅިން. ޝޫޓިންގ ވަރަށް ބަރާބަރަށް ކުރިއަށް ދިޔަ. އަމީތާބަކީ ވަރަށް ގަޑިއަށް ފަރުވާތެރި މަސައްކަތަށް ވަރަށް ފަރުވާތެރި މީހެއް." އަމީތާބަށް ވަރަށް ބޮޑަށް ތައުރީފް ކޮށް މަނޯހަރް ބުނެފައި ވެއެވެ.
1900 ގެ އަހަރު ތަކުގައި އަމީތާބްގެ ޒުވާން ދުވަސްވަރު އޭނާ ވަނީ އެކްޝަން ފިލްމުތައް ކުޅެ އަމިއްލައަށް ސްޓަންޓް ހަދައި ގިނަ ފިލްމު ތަކުން ފެނިގެން ގޮސްފައެވެ. އޭގެ ތެރޭގައި "އަގްނީ ޕަތު" "ދީވާރް" "ޝޯލޭ" "އަމަރް އަކްބަރް އެންތަނީ" ފަދަ ފިލްމުތައް ފާހަގަ ކޮށްލެވެއެވެ.
އަމީތާބް ދެން އެންމެ އަވަހަށް ފެނިގެން ދާނީ އަޖޭ ދޭވްގަން އާއެކު "ރަންވޭ 34″ އިންނެވެ.
