ށ.ކޮމަންޑޫގައި އަޅާ އާ އިންޖީނުގޭގެ މަސައްކަތުގެ ބޮޑުގައި ނިންމާލައިފިއެވެ.
ށ.ކޮމަންޑޫގައި އަޅާ އާ އިންޖީނުގޭގެ މަސައްކަތް ކުރުމުން ދަނީ ފެނަކައިންނެވެ. ފެނަކައިން ހާމަކޮށްފައިވާ ގޮތުގައި މިމަސައްކަތުގެ %49 މަސައްކަތް ވަނީ ނިމިފައެވެ. ފެނައިން ރާއްޖޭގެ އެކި ރަށްތަކުގެ މީހުން ދިރިއުޅޭ ސަރަހައްދުގައި ހުރި އިންޖީނުގެތައް ޒަމާނީ ވަސީލަތްތަކާއެކު އެކަހެރި ސަރަހައްދުތަކަށް ބަދަލުކޮށް ތަރައްޤީ ކުރުމުގެ މަސައްކަތް ކުރަމުންނެވެ.
ރަށްރަށުގެ މީހުން ދިރިއުޅޭ ސަރަހައްދުގައި ހުރި ދުވަސްވީ އިންޖީނުގެތައް ޒަމާނީ ވަސީލަތްތަކާއެކު އެކަހެރި ސަރަހައްދުތަކަށް ބަދަލުކޮށް ތަރައްޤީ ކުރުމުގެ ސިޔާސަތުގެ ދަށުން، ށ. ކޮމަންޑޫ އައު އިންޖީނުގެ އިމާރާތް ކުރުމުގެ މަޝްރޫޢުގެ %49 މަސައްކަތް ވަނީ ކުރެވިފަ. #ޓީމްފެނަކަ pic.twitter.com/IH8MQdcYnu
— Fenaka Corporation Ltd (@TeamFenaka) November 10, 2020
މި މަޝްރޫޢަކީ ފެނަކައިން 7.8 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢެކެވެ. މިމަޝްރޫޢުގެ ދަށުން އިންޖީނު ބަހައްޓާ އިމާރާތެއް ހެދުމާއި، އިދާރީ މަސައްކަތްތަކަށް ޚާއްސަ އިމާރާތަކާއި، ފިއުލް ސްޓޯރޭޖް ހެދުމަށްވަނީ ހަމަޖެހިފައެވެ. މިމަޝްރޫޢުގެ މަސައްކަތް އަންނަ އަހަރުގެ ފެބްރުއަރީމަހު ނިންމާނެކަމަށް ފެނަކައިން ބުނެއެވެ.
ރަށްރަށުގެ ކަރަންޓުގެ ޚިދުމަތުގެ ފެންވަރު ރަނގަޅުކުރުމަށް ފެނަކައިންދަނީ ގިނަ މަސައްކަތްތައް ކުރަމުންނެވެ. އެގޮތުން އެއް މަސައްކަތަކީ މީހުންނަށް އުނދަގޫވާގޮތަށް ރަށުތެރޭގައި ހުންނަ އިންޖީނުގެތައް، މީހުން ދިރިނޫޅޭ އެކަހެރި ސަރަޙައްދުތަކަށް ބަދަލުކުރުމުގެ މަސައްކަތެވެ.
ކޮމެންޓު ފޮނުވާ