އިދިކޮޅު ކޯލިޝަނުން ރާއްޖޭގައި ތިބި އިންޑިއާގެ ސިފައިން ބޭލުމަށް ގޮވާލާ ހިންގާ "ނޭވާހޮޅިއަށް" ހަރަކާތުގައި ގުރައިދޫ ދާއިރާގެ މެމްބަރު މުހައްމަދު ޣައްސާން މައުމޫނާއި، މާވަށު ދާއިރާގެ މެމްބަރު މުހައްމަދު ސައީދު ހައްޔަރުކޮށްފިއެވެ.
ފުލުުހުން ޣައްސާނާއި، ސައީދު ހައްޔަރުކުރީ ބޮޑު ތަކުރުފާނު މަގުގައި މުޒާހަރާގެ ބައިވެރިންނާއިއެކު އަޑު އުފުލަމުން ދަނިކޮށެވެ. މި މެމްބަރުންރުންގެ އިތުރުން، ގިނަ އަދަދެއްގެ ޕީޕީއެމްގެ ކައުންސިލް މެމްބަރުންނާއި، އާންމު ރައްޔިތުންވެސް ފުލުހުން ދަނީ ހައްޔަރު ކުރަމުންނެވެ. ގިނަ އަދަދެއްގެ އާންމު ރައްޔިތުން މަގުތަކަށް ނިކުންނަމުންދާއިރު، ބާރުގެ ބޭނުންކޮށް މީހުން ހުއްޓުވުމަށް ފުލުހުން ދަނީ ހަރަކާތްތެރިވަމުންނެވެ.
މުޒާހަރާގެ ބައިވެރިން "އިންޑިއާ އައުޓް" ޓީޝާރުގައި ކާނިވާ ސަރަހައްދަށް އްވުމަށްފަހު މިހާރު ވަނީ މަގުތަކަށް ނިކުމެފައެވެ. ނަމަވެސް ގިނަ އަދަދެއްގެ ފުލުނުން ދަނީ މީހުންނަށް ހުރަސް އަޅަން މަސައްކަތް ކުރަމުންނެވެ.
އެއްވި މީހުންގެ ތެރެއިން ބައެއް މީހުން ފުލުހުންގެ ބެލުމުގެ ދަށަށް ގެންގޮސްފައިވާއިރު، ބައެއް މީހުންނަށް ބާރުގެ ބޭނުންކޮށް، ޕެޕާސްޕްރޭ ޖެހުމުގެ ސަބަބުން ވަނީ އެކިވަރުގެ އަނިޔާވެފައެވެ. އެއްވި މީހުންގެ ތެރެއިން ބައެއް ގްރޫޕްތައް މާލެތެރެއަށް ނިކުމެފައިވާއިރު، ޕީޕީއެމްގެ ލީޑަރޝިޕްގެ ގިނަ ބޭފުޅުން ތިއްބެވީ ޕީޕީއެމް އޮފީސް ކައިރީގައެވެ.
މާލޭގެ މަގުތަކަށް ނިކުތް މުޒާހަރާގެ ބައިވެރިން ދަނީ މާލޭގެ އެކި މަގުތަކުގައި "އިންޑިއާ އައުޓް" ގޮވައި ސުލްހަވެރި އިހުތިޖާޖެއް ކުރަމުންނެވެ.
