އިދިކޮޅު ކޯލިޝަނުން މިއަދު މާލޭގައި ކުރިއަށް ގެންދާ ނޭވާހޮޅިއަށް ހަރަކާތުގައި އެއްވި މީހުން ކާނިވާ ސަރަހައްދަށް ޖަމާވުމަށްފަހު މަގުތަކަށް ނިކުންނަން މަސައްކަތް ކުރުމުން ބާރުގެ ބޭނުންކޮށް ހުއްޓުވައިފިއެވެ.
މުޒާހަރާގެ ބައިވެރިން "އިންޑިއާ އައުޓް" ޓީޝާރުގައި ކާނިވާ ސަރަހައްދަށް އެއްވީ، ޕީޕީއެމް އޮފީސް ކައިރިއަށް އެއްވެވޭނެ އެއްވެސް ގޮތެއް ނެތުމުންނެވެ. ގިނަ އަދަދެއްގެ ފުލުހުން އެސަރަހައްދުގައި ހަރަކާތްތެރިވާއިރު، އެއްވި މީހުން ދަނީ މަގުތަކަށް ނިކުތުމަށް މަސައްކަތް ކުރަމުންނެވެ.
އެއްވި މީހުންގެ ތެރެއިން ބައެއް މީހުން ފުލުހުންގެ ބެލުމުގެ ދަށަށް ގެންގޮސްފައިވާއިރު، ބައެއް މީހުންނަށް ބާރުގެ ބޭނުންކޮށް، ޕެޕާސްޕްރޭ ޖެހުމުގެ ސަބަބުން ވަނީ އެކިވަރުގެ އަނިޔާވެފައެވެ. އެއްވި މީހުންގެ ތެރެއިން ބައެއް ގްރޫޕްތައް މާލެތެރެއަށް ނިކުމެފައިވާއިރު، ޕީޕީއެމްގެ ލީޑަރޝިޕްގެ ގިނަ ބޭފުޅުން ތިއްބެވީ ޕީޕީއެމް އޮފީސް ކައިރީގައެވެ.
މާލޭގެ މަގުތަކަށް ނިކުތް މުޒާހަރާގެ ބައިވެރިން ދަނީ މާލޭގެ އެކި މަގުތަކުގައި "އިންޑިއާ އައުޓް" ގޮވައި ސުލްހަވެރި އިހުތިޖާޖެއް ކުރަމުންނެވެ.
