އިދިކޮޅު ކޯލިޝަނުން ހުރުކުރު ދުވަހު ހިންގުމަށް ހަމަޖެހިފައިވާ "ނޭވާހޮޅިއަށް" ހަރަކާތް އޮންނާނެކަމަށާއި، ޤާނޫނު އަސާސީން ލިބިދީފައިވާ ޚިޔާލް ފާޅުކުރުމުގެ ހައްގަށް ހުރަސް ނޭޅޭނެކަމަށް އިދިކޮޅު ކޯލިޝަނުން ބުނެފިއެވެ.
ފުލުހުން އިދިކޮޅު ކޯލިޝަނާއިއެކު މިއަދު ބޭއްވި ބައްދަލުވުމުގައިވަނީ "ނޭވާހޮޅިއަށް" ހަރަކާތް ނުބޭވޭނެކަމަށް އަންގައި ބޮޑެތި ތުހުމަތުތަކެއް މިހަރަކާތަށް ކޮށްފައެވެ. އިދިކޮޅު ތަރުޖަމާނު ހީނާ ވަލީދު ވިދާޅުވީ، ޤާނޫނު އަސާސީން އެއްވެ އުޅުމާއި ޚިޔާލު ފާޅު ކުރުމުގެ މިނިވަންކަން ކޮންމެ ރައްޔިތަކަށްވެސް ލިބިގެންވާކަމަށެވެ. އެހެންކަމުން ހުކުރު ދުވަހު މިހަރަކާތް އޮންނާނެކަމަށް ހީނާ ވިދާޅުވިއެވެ. އަދި ފުލުހުން ކުރި ތުހުމަތު ތަކަކީ އެއްވެސް ތާކުންތާކު ނުޖެހޭ ތުހުމަތު ތަކެއްކަމަށް ހީނާ ވިދާޅުވިއެވެ.
ޤާނޫނު އަސާސީގެ 27 ވަނަ މާއްދާގައި ބުނެފައިވަނީ މިނިވަންކަމާއެކު ފިކުރުކުރުމާއި، އިސްލާމްދީނުގެ އަޞްލަކާ ޚިލާފުނުވާ ގޮތެއްގެ މަތީން ޚިޔާލުފާޅުކުރުމުގެ މިނިވަންކަން ގޮތެއްގެމަތީން އެމީހެއްގެ ބުއްދިއަށް ފެންނަ ގޮތްތަކާއި، ޚިޔާލުތައް ދުލާއި ޤަލަމުން އަދި މި ނޫންވެސް ގޮތް ގޮތަށް ފާޅުކުރުމުގެ މިނިވަންކަން ކޮންމެ މީހަކަށްމެ ލިބިގެންވާކަމަށެވެ.
ނޫސްވެރިންނާއި ބައްދަލު ކުރައްވައި ވާހަކަ ދައްކަވަމުން ރައްޔިތުންގެ މަޖިލީހުގެ ހުޅުދޫ ދާއިރާގެ ކުރީގެ މެމްބަރު މުހައްމަދު ޝާހިދު (ޝާޑު) ވިދާޅުވީ ސިޔާސީ ޕާޓީއެއްގެ ދައުރަކީ ޤާނޫނުން ވަރަށް ގިނަ ޒިންމާތަކެއް އޮތް ބަޔަކަށްވާއިރު، ހަރަކާތެއް ނުހިންގައި ބަލަންތިބުމަކީ ސިޔާސީ ޕާޓީގެ ދައުރެއް ނޫންކަމަށެވެ.
ޝާހިދު ވިދާޅުވީ މިއަދުގެ ބައްދަލުވުމުގައި ފުލުހުން ބުނެފައިވަނީ މިހަރަކާތް ނުހިންގޭނެކަމަށެވެ. އަދި ބޮޑެތި ތުހުމަތުތަކެއްކޮށް ހަރަކާތް ކުރިއަށް ނުގެންދިއުމަށް ދަންނަވާފައިވާކަމަށެވެ. މިކަމަކީ އެއްވެސް ގޮތަކަށް ހަމަނުޖެހުމަށް ޖާގަލިބޭ ގޮތަކަށް ހިންގާނެ ހަރަކާތެއް ނޫންކަން ތަކުރާރުކޮށް ވިދާޅުވެފައިވާކަމަށް ޝާހިދު ވިދާޅުވިއެވެ.
ކޮމެންޓު ފޮނުވާ