އެކްޓްރެސް އަނުޝްކާ ޝަރުމާގެ ފިލްމު ކުންފުނި "ކްލީން ސްލޭޓް ފިލްމްޒް" ގެ މަސައްކަތްތަކާއި ދުރަށް ދިއުމަށް އޭނާ ނިންމައިފިއެވެ.
"ކްލީން ސްލޭޓް ފިލްމްޒް" އަކީ އަނުޝްކާ އާއި އޭނާގެ ބޭބެ ކަރްނޭޝް ޝަރްމާ އާއި ދެމީހުންވެގެން މީގެ ނުވަ ވަރަކަށް އަހަރު ކުރިން އުފެއްދި ޕްރޮޑަކްޝަން ހައުސްއެކެވެ.
މި ޕްރޮޑަކްޝަން ހައުސްއިން 2015 އިން ފެށިގެން މިހާތަނަށް ވަނީ ޖުމްލަ 7 ފިލްމެއް އުފައްދާފައެވެ. މީގެ ތެރެއިން 3 ފިލްމް އަކީ އަނުޝްކާ ކުޅެފައިވާ ފިލްމް ތަކެކެވެ.
އަނުޝްކާ ވަނީ އިނސްޓަގްރާމްގައި އޭނާ ފިލްމް ކުންފުނީގެ މަސައްކަތްތަކުން އެއްފަރާތް ވާކަން އިއުލާން ކޮށްފައެވެ. އޭނާ ބުނީ މަންމައަކަށް ވުމުން އޭނާގެ މަސައްކަތާއި ދަރިފުޅަށް ދެވޭ ވަގުތު ބެލެންސްކުރަން ބޭނުންވާ ކަމަށެވެ. އެހެން ކަމުން ދަރިފުޅަށް ދޭ ވަގުތު ފިޔަވާ އެހެން ހުރިހާ ވަގުތެއް "ފަސްޓް ލަވް" އަށް ދިނުމަށް ފިލްމު އުފެއްދުމާ އޭނާ ދުރުވަނީ ކަމަށް ވަނީ ބުނެފައެވެ. އޭނާގެ "ފަސްޓް ލަވް" އަކީ ފިލްމު ކުޅުމެވެ.
ދަރިފުޅު ލިބުންފަހުން އަނުޝްކާ ގެ ފުރަތަމަ ފިލްމްގެ މަސައްކަތް އޭނާ އަންނަނި ކުރަމުންނެވެ. އެއީ ނެޓްފްލިކްސް އިން ދައްކަން ހަމަޖެހިފައިވާ ސްޕޯޓްސް ޑްރާމާ "ޗަކްދާ އެކްސްޕްރެސް" އެވެ.
View this post on Instagram
އިނޑިއާގެ ކްރިކެޓް ކެޕްޓަން ވިރާޓް ކޯލީއާއި އަނުޝްކާ ޝަރްމާ ކައިވެނި ކުރީ 2017 ވަނަ އަހަރު ވަރަށް ސިއްރުންނެވެ. އަނުޝްކާގެ އަލަތު ދަރިފުޅު ވަމިކާ ކޯލީ ލިބިފައިވަނީ 2021 ވަނަ އަހަރުއެވެ.
