އިންތިޚާބު ކުރެވޭ އެކި މަޤާމުތަކަށް ރާއްޖޭގެ ތަރައްޤީއާއި، މިނިވަންކަމުގެ ދިފާއުގައި މަސައްކަތްކުރާ ޕީޕީއެމްގެ ބޭފުޅުންނަށް ވޯޓު ދީގެން ނޫނީ ރާއްޖޭގެ ތަރައްޤީ ނުކުރެވޭނެކަމަށް ޕީޕީއެމްގެ ރައީސް އަދި އިދިކޮޅު ލީޑަރު ރައީސް ޔާމީން ވިދާޅުވިއެވެ.

އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ކުރެންދޫ ދާއިރާގެ ކައުންސިލް ރައީސްގެ އިންތިޚާބުގައި ވާދަކުރާ އިސްމާއިލް މަދީހުގެ ކެމްޕެއިންގައި ބައިވެރިވެ ވަޑައިގެން ކުރެންދޫގައި ޕީޕީއެމް މެމްބަރުންނާއި ވާހަކަ ދައްކަވައި ރައީސް ޔާމިން ވިދާޅުވީ، ކުރެންދޫ ކައުންސިލް ރައީސްގެ އިންތިޚާބަށް އެންމެ އެކަށީގެންވާ ކެނޑިޑޭޓަކީ އިސްމާއިލް މަދީހު ކަމާއިމެދު އެއްވެސް ޝައްކެތް ނެތްކަމަށެވެ. މަދީހަކީ ކައުންސިލް ރައީސް ކަމުގައި 7 އަހަރު ފުއްރުއްދި ކުރެންދޫ ތަރައްޤީގައި މުހިންމު ހިއްސާއެއް އޮތް ބޭފުޅެއްކަމަށް ރައީސް ޔާމީން ވިދާޅުވިއެވެ.

މަދީހަށް ދެއްވާ ވޯޓަކީ ކުރެންދޫ ތަރައްޤީއަށް ދެވޭ ވޯޓެއް. އިންތިޚާބުތަކާއި، ކައުންސިލްތަކާއި، އެނޫން މަޤާމުތަކަށް ބޭފުޅުން އިންތިޚާބު ކުރާއިރު ޕީޕީއެމްގެ ބޭފުޅުން އިންތިޚާބު ކޮށްގެންނޫނީ މިނިވަންކަމާއި ސިޔާދަތާއި، ތަރައްޤީ ނުގެނެވޭނެ.

– ރައީސް ޔާމީން ވިދާޅުވިއެވެ.

ރައީސް ޔާމީން ވަނީ އެމަނިކުފާނުގެ ވާހަކަ ފުޅުގައި އެމްޑީޕީއަށް ވަރަށް ބޮޑަށް ފާޑު ވިދާޅުވެފައެވެ. ރައީސް ޔާމީން ވިދާޅުވީ ތަރައްޤީގެ ވާހަކަ ދައްކަވާ ބޭފުޅުން މާދުރަށް ވާހަކަ ގެނެގޮސް ރައްޔިިތުންނަށް އޮޅުވާލަން ނޫޅޭނެކަމަށެވެ. ކައިރިން ފެންނަން ހުރި ތަރައްޤީ ނުގެވި ދެން ގެނެވޭނެ އިތުރު ތަރައްޤީއެއް ނޯންނާނެކަމަށް ރައީސް ޔާމީން ވިދާޅުވިއެވެ.

އެމްޑީޕީން އަދި މިސަރުކާރުން ވިދާޅުވާ ތަރައްޤީ ހުރީ ކަނޑުގައި ކަމަށާއި، އެކަންކަން ކަނޑުން އަރާނެ ދުވަހެއް އަދިވެސް ނެގޭކަމަށެވެ. ރައީސް ޔާމީން ވިދާޅުވީ އެމަނިކުފާނު ވެރިކަމުގައި މިޤައުމަށް ގެނައި ތަރައްޤީތަަކަކީ ރައްޔިޔުން ބޭނުންވާ ގޮތަށް ގެނެސްދެއްވި ތަރައްޤީތަކެއްކަމަށެވެ. މިޖަލްސާގައި ރައީސް ޔާމީން ވަނީ އިންޑިއާ އައުޓް ހަރަކާތާއި ގުޅޭގޮންވެސް ވާހަކަ ދައްކާފައެވެ.