ޅ.ކުރެންދޫއިން އިދިކޮޅުން ޕީޕީއެމްއާއި 250 މީހުން ގުޅިއްޖެއެވެ.
ކުރެންދޫއިން އަލަށް ގުޅުނު ފޯމުތަކާއި ހަވާލުވެ ވަޑައިގެންނެވީ ޕީޕީއެމް ރައީސް ޔާމީނެވެ. ރައީސް ޔާމީން ކުރަންދޫއަށް ވަޑައިގެންނެވީ، އަންނަ ހޮނިހިރު ދުވަހު ބާއްވާ ކުރެންދޫ ކައުންސިލްގެ ގޮޑިއަށް ވާދަކުރާ ޕީޕީއެމްގެ ކެނޑިޑޭޓް މަދީހުއަށް ތާއީދު ހޯދުމަށެވެ.
މިއަދު ޕީޕީއެމްއާއި ގުޅުނު މީހުންގެ ތެރޭގައި އެމްޑީޕީގެ ބައެއް މެމްބަރުންވެސް ހިމެނެއެވެ. މިއީ ކުރިއަށް އޮތް އިންތިޚާބުތަކުގައި ޕީޕީއެމްއަށް ކުރެންދޫއިން ކާމިޔާބު ހޯދުމަށް ލިބިގެންދިޔަ ބޮޑު ހިއްވަރެއްކަމަށް ކުރެންދޫ ޕީޕީއެމް ޓީމުން ވަނީ ބުނެފައެވެ.
ރައީސް ޔާމީން މިއަދު ކުރެންދޫއަށް ވަޑައިގެންނެވިއިރު، ރައީސް ނަޝީދުވެސް މިވަގުތު ހުންނެވީ ކުރެންދޫގައި އެމްޑީޕީ ކެނޑިޑޭޓުގެ ކެމްޕެއިންފައެވެ. ޕީޕީއެމްގެ ފަރާތުން މިއިންތިޚާބުގައި ވާދަކުރަނީ އިސްމާއިލް މަދީހުއެވެ. އޭނާއަކީ މީގެ ކުރިންވެސް ކުރެންދޫ ކައުންސިލް ރައީސްކަމުގެ މަޤާމު ފުރުއްވި ބޭފުޅެކެވެ.
