ޅ.ކުރެންދޫއަށް އެމްޑީޕީގެ ރައީސް، އަދި މަޖިލިސް ރައީސް މުހައްމަދު ނަޝީދު ވަޑައިގަތުމުން އެރަށުން ހޫނު މަރުހަބާއެއް ދަންނަވައިފިއެވެ.
ރައީސް ނަޝީދު ކުރެންދޫއަށް ވަޑައިގެންނެވީ، އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ކުރެންދޫ ދާއިރާގެ ކައުންސިލް ރައީސް އިންތިޚާބުގައި، ވާދަކުރާ އެމްޑީޕީގެ ކެންޑިޑޭޓަށް ކެމްޕެއިން ކުރެއްވުމަށެވެ. ރައީސް ނަޝީދާއިއެކު އެމްޑީޕީގެ އިސްބޭފުޅުން މިއަދު ހަވީރު ކުރެންދޫއަށް ވަޑައިގަތުމުން އެރަށުން ވަނީ ވަރަށް ހޫނު މަރުހަބާއެއް ދަންނަވާފައެވެ.
މިޕާޓީގެ ރައީސް އަދި ރައްޔިތުންގެ މަޖިލިހުގެ ރައީސް، ރައީސް މުޙައްމަދު ނަޝީދު ޅ. ކުރެންދޫ ކައުންސިލް ރައީސް ބައި އިލެކްޝަންގެ މިޕާޓީގެ ކެންޑިޑޭޓު ޢަލީ ނަސީމުގެ ކެމްޕެއިނަށް ޅ.ކުރެންދޫ އަށް ވަޑައިގަތުމުން ކުރެންދޫ ރައްޔިތުން ހޫނު މަރުޙަބާ އެއް ދަންނަވައިފި #RahvehiFathis pic.twitter.com/nkA4t1tq0N
— MDP Secretariat (@MDPSecretariat) March 18, 2022
ޅ.ކުރެންދޫ ކައުންސިލްގެ ރައީސް އިންތިޚާބު ކުރުމަށް އިންތިޚާބެއް ބާއްވަނީ ކައުންސިލްގެ ރަައީސްގެ މަގާމުގައި ހުންނެވި އިބްރާހިމް ޝިމާއު މިދިޔަ މަހު އިސްތިއުފާ ދެއްވުމާއި ގުޅިގެންނެވެ. އޭނާއަކީވެސް އެމްޑީޕީއަށް ނިސްބަތްވާ މީހެކެވެ.
ޅ.ކޔރެންދޫ ކައުންސިލް ރައީސްކަމުގެ މަޤާމަށް ވެރިކަން ކުރާ އެމްޑީޕީގެ ޓިކެޓްގައި ވާދަކުރައްވަނީ ޢަލީ ނަސީމެވެ. ކުރެންދޫގައި މިރޭ ރައީސް ނަޝީދު ބައިވެރިވެ ވަޑައިގެން ބާއްވާ ޖަލްސާއެއް ބޭއްވުމަށް ވަނީ ހަމަޖެހިފައެވެ. މިއިންތިޚާބުގައި ވާދަވެރި ޕީޕީއެމުންވެސް ވާދަކުރެއެވެ.
