ޕޭން ޔޫރަޕިއަން އިންސާނީ ހައްގުތަކާބެހޭ މުހިންމު ކައުންސިލެއް ކަމުގައިވާ ކައުންސިލް އޮފް ޔޫރަޕްއިން (COE) ރަޝިއާއިން އަމިއްލައަށް ވަކި ވެއްޖެއެވެ.
ޔޫރަޕް ބައްރުގެ އިންސާނީ ހައްގުތަކާބެހޭ އެންމެ މުހިންމެ އެއް މުވައްސަސާ ކަމުގައިވާ ކައުންސިލް އޮފް ޔޫރަޕްއިން އިން ރަޝިއާއިން އަމިއްލައަށް ބޭރުވެފައި މިވަނީ، އެގައުމުން ޔޫކުރެއިންއަށް ދެމުންދާ އުދުވާނީ ހަމަލާތަކާއި ގުޅިގެން، މި ކައުންސިލްއިން ރަޝިއާ ބޭރުކުރުމަށް މިކައުންސިލްއަށް ޕްރެޝަރ ބޮޑުވެ، ކައުންސިލްއިން ރަޝިއާ ބެރުކުރާނެކަމަށް ވަރަށް ބޮޑަށް ބެލެވިފައި ވަނިކޮށެވެ.
ރަޝިއާ ހިމެނިގެން މިދިޔައީ، ޔޫރަޕް ބައްރާއި ގުޅުންތައް ބާއްވަންޖެހޭ ގިނަ ގައުމުތައް އެކުލެވޭގޮތަށް އެކުލަވާލާފައި އޮންނަ މިކައުންްސިލް، ދެވަނަ ބޮޑު ހަނގުރާމައަށްފަހު އުފެދުނު ފަހުން، މިގޮތަށް އަމިއްލައަށް މި ކައުންސިލުން ބޭރުވި ދެވަނަ ގައުމުކަމުގައެވެ.
ގްރީސްއިންވެސް ވަނީ 1969 އަހަރު، މިކައުންސިލް އިން އެގައުމު ބޭރުކުރުމުގެ ކުރިން އަމިއްލައަށް މިކައުންސިލްއިން ވަކިވެފައެވެ. އެފަހަރު ގްރީސްއިން މި ކައުންސިލް ދޫކޮށްފައިވަނީ، އެގައުމުގެ އަސްކަރިއްޔާގެ ބައެއް އޮފިސަރުން ގެނައި ބަޢާވާތަކަށް ފަހުއެވެ. އެހެންނަަމަވެސް އޭގެ 5 އަހަރުފަހުން އަލުން އެގައުމަށް ޑިމޮކްރަސީ އައުމާއެކުވަނީ މި ކައުންސިލާއި ގުޅިފައެވެ.
ކައުންސިލް އޮފް ޔޫރަޕްއަކީ، ޔޫރަޕިއަން ކޮންވެންޝަން އޮން ހިއުމަންރައިޓްސްގެ ދަށުން، އިރުމަތީ ޔޫރަޕްގެ ގައުމުތަކުގައި ޑިމޮކްރަސީ ދަމަހައްޓާ އެގައުމުތަކުގެ ސިޔާސީ ނިޒާމުތައް ޑޮމިކްރަޓިކްކޮށް، އަދި މި ގައުމުތަކުގައި އިންސާނީ ހައްގުތައް ކުރިއެރުވުމަށް އުފައްދާފައިވާ ކައުންސިލްއެކެވެ. މިކައުންސިލް އުފެދިގެން ގޮސްގައިވަނީ ޔޫރަޕް ބައްރުގައި އޮތް ކޮމިއުނިސްޓް ވެރިކަންތައް އުވިގެން ދިއުމާއެކުއެވެ.
ރަޝިއާއިން މިކައުންސިލްއިން އަމިއްލައަށް ވަކިވެފައިވަނީ، ރަޝިއާ މިކައުންސިލްއިން ބޭރު ކުރުމާއި ގުޅޭގޮތުން ކައުންސިލް އޮފް ޔޫރަޕްގެ އެސެމްބްލީގައި ވޯޓު ނެގުމަށް ކުޑަ ވަގުތު ކޮޅަކަށް ވެފައި ވަނިކޮށެވެ.
