ފޮކްސް ނިއުސްގެ ކެމެރާމަނަކާއި ޔޫކުރެއިންގެ ނޫސްވެރިއަކު ޔޫކުރެއިންގައި ހިގަމުންދާ ހަގުރާމާގައި ބަދަލުކުރެވުނު ހަމަލާތަކުގެ ޝިކާރައަކަށްވެ މަރުވެއްޖެ އެވެ.
ފޮކްސް ނިއުސްގެ ކެމެރާމަން ޒަކްރިވްސްކީ ހަނގުރާމާގައި މަރުވެފައިވާކަން ހާމަކޮށްފައިވަނީ ފޮކްސް ނިއުސް މީޑިއާގެ ސީއީއޯ ސުޒާން ސްކޮޓްއެވެ.
އޭނާ ވިދާޅުވެފައި ވާގޮތުގައި ޒަކްރިވްސްކީ މަރުވެފައިވަނީ އެ ނޫހުގެ އެހެން ކޮރެސްޕޮންޑެންޓަކާއެކު ދަތުރު ކޮށްފައި އައި އުޅަނދަށް ދިން ބަޑީގެ ހަމަލާތަކުގައި ކަމަށެވެ.
އަދި ހަމަ މި ހާދިސާގައި ޔޫކުރެއިންގެ ނޫސްވެރިއަކުވެސް ވަނީ މަރުވެފައެވެ.
ޔޫކުރެއިން ސަރުކާރުން ބުނެފައިވަނީ މި ނޫސްވެރިން މަރުވެފައިވަނީ ރަޝިއާއިން ދިން ހަމަލާތަކުގައި ކަމުގައެވެ.
ރަޝިއާއިން އުދުވާނީ ހަމަލާތައް ދެމުންދާ ޔޫކުރެއިން ސިޓީއެއް ކަމުގައިވާ އިރުޕިންގައި ހިގަމުންދާ ހަނގުރާމާގައި ރަޝިއާއިން ދިން ހަމަލާތަކުގައި އެމެރިކާގެ ނިއިޔޯކު ޓައިމްސްގެ ނޫސްވެރިއަކުވެސް ވަނީ މިހަފްތާގައި މަރުވެފައެވެ.
މިއަދު މަރުވި ދެ ނޫސްވެރިންނާއެކީ، ޔޫކުރެއިން ހަގުރާމާގައި ރަޝިއާގެ ހަމަލާތައް އަމާޒުވެ، މަރުވި ނޫސްވެރިންގެ އަދަދު މިހާރުވަނީ 3 އަކަށް އަރާފައެވެ.
ކޮމެންޓު ފޮނުވާ