ފާއިތުވި ފެބްރުއަރީމަހުގެ 24ވަނަ ދުވަހު ރަޝިއާއިން ޔޫކުރެއިންއަށް އުދުވާނި ހަމަލާ ދޭންފެށިފަހު، ޔޫކުރެއިންގެ 1،300 ސިފައިން މަރުވެއްޖެ ކަމުގައި ޔޫކުރެއިންގެ ރައީސް ލޮޑޮމިރު ޒެލެންސްކީ ވިދާޅުވެއްޖެއެވެ.
މިއީ ހަގުރާމަ ފެށުނު ދުވަހު، ޒެލެންސްކީގެ އޮފީހުން، އެދުވަހު ޔޫކުރެއިންގެ އަސްކަރިއްޔާގެ 30 ސިފައިން މަރުވެފައިވާކަން ހާމަކުރިފަހުން، މި ހަނގުރާމާގައި އަސްކަރިއްޔާއަށް ލިބިފައިވާ ގެއްލުން ޔޫކުރެއިން ސަރުކާރުން ހާމަކޮށްފައިވާ ފުރަތަމަ ފަހަރެވެ.
⚡️ Zelensky: 1,300 Ukrainian soldiers killed by Russia.
This is the first time President Volodymyr Zelensky mentioned Ukraine’s estimated military casualties.
Ukraine’s Armed Forces estimate Russian casualties to be over 12,000.
— The Kyiv Independent (@KyivIndependent) March 12, 2022
މީގެ އިތުރުން ޔޫކުރެއިންގެ އަސްކަރިއްޔާގެ ޖެނެރަލް ސްޓާފް ހާމަ ކުރައްވާފައިވާ ގޮތުގައި، މިހާތަނަށް ރަޝިއާ ސިފައިންގެ 11،000 ސިފައިންވަނީ މަރުވެފައެވެ. އެހެންނަަމަވެސް ބީބީސީން ރިޕޯޓު ކޮށްފައިވާ ގޮތުގައި މަރުވެފައިވާ ރަޝިއާ ސިފައިންގެ އަދަދު 12،000 އަށް އަރައެވެ.
މި މާރޗްމަހުގެ 2 ވަނަ ދުވަހުގެ ފަހުން، ރަޝިއާއިން އެގައުމުގެ ސިފައިން މަރުވެފައިވާ އަދަދު ހާމަ ކޮށްފައެއް ނުވެއެވެ. އެދުވަހު ރަޝިއާގެ އަސްކަރިއްޔާގެ ފަރާތުން މޭޖަރ ޖެނެރަލް އިގޯރ ކޮނަޝެންކޯވް ވިދާޅުވެފައިވާ ގޮތުގައި ރަޝިއާގެ ސިފައިންގެ ތެރެއިން މަރުވެފައި ވަނީ 500 ވަރަކަށް ސިފައިން ކަމުގައެވެ.
އެމެރިކާ ސަރުކާރުން ހާމަ ކޮށްފައިވާ ގޮތުގައި ދެފާރަތުންވެސް މަރުވެފައިވާ ސިފައިންގެ އަދަދާއި ގުޅޭގޮތުން ހާމަކުރަމުންދަނީ އެންމެ ސައްޙަ މައުލޫމާތެއް ނޫނެނެވެ. އަދި އެމެރިކާއިން ހާމަ ކޮށްފައިވާ ގޮތުގައި، މި ހަގުރާމާގައި މިހާތަނަށް ޔޫކުރެއިންގެ 2،000 އައި 4،000 އާއި ދެމެދުގެ އަދަދެއްގެ ސިފައިވަނީ މަރުވެފައެވެ. އަދި އެމެރިކާގެ އޮފިޝަލުން ހާމަ ކޮށްފައިވާ ގޮތުގައި، ހަގުރާމާގައި ރަޝިއާ ސިފައިންގެ 5،000 އާއި 6،000 އާއި ދެމެދުގެ އަދަދެއްގެ ސިފައިންވަނީ މަރުވެފައެވެ.
ރަޝިއާއިން ސިފައިން ޔޫކުރެއިންގެ ވެރިރަށާއި ދިމާލަށް ކުރިޔަށް ޖެހެމުން ދާއިރު، ޔޫކުރެއިންގެ ރައީސް ޒެލެންސްކީ ވިދާޅުވެފައިވަނީ، އެގައުމުގެ ވެރިރަށް ރަޝިއާ ސިފައިންގެ ބާރުގެ ދަށަށް ދިޔަ ނުދިނުމަށް މަރުވަންދެން ހަގުރާމަ ކުރައްވާނެ ކަމުގައެވެ.
