އިދިކޮޅު ޕީޕީއެމްއަކީ ރާއްޖެ އުވާލާ ފިކުރެއް ކަމަށާއި، އެފިކުރަށް ޖާގަ ދީގެން ނުވާނެކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިމަހުގެ 26 ވަނަ ދުވަހު ބޭއްވުމަށް ހަމަޖެހިފައިވާ ޅ.ކުރެންދޫ ބައި އިލެކްޝަންގައި ވާދަކުރާ އެމްޑީޕީގެ ކެނޑިޑޭޓުގެ ކެމްޕެއިން ޖަލްސާގައި ވާހަކަ ދައްކަވަމުން ރައީސް ނަޝީދު ވިދާޅުވީ، މިއިންތިޚާބަކީ ކުރެންދޫ ރައްޔިތުން ކުރެންދޫ ތަރައްޤީ ކުރުމުގައި ތަރައްޤީގެ ފިކުރަށް ވޯޓު ދޭންވީ އިންތިޚާބެއްކަމަށެވެ.
މިއިންތިޚާބުގައި ވާދަކުރާ ވާދަވެރި ޕީޕީއެމްގެ ސިޔާސަތަށް ވަރަށް ބޮޑަށް ފާޑު ވިދާޅުވަމުން ރައީސް ނަޝީދު ވިދާޅުވީ، ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމަކީ، ޕީޕީއެމް ދަންނަ ސިޔާސަތެއް ނޫންކަމަށެވެ. ޕީޕީއެމްގެ ވިސްނުމާއި ފިކުރު ހުރީ، ރާއްޖޭގެ ރައްޔިތުން މާލެ ސަރަހައްދަށް ޖަމާކޮށް، މާލެ ސަރަހައްދު ތޮއްޖެއްސުން ކަމަށެވެ. އެއީ ތަރައްޤީއަށް އޮތް ފުރުސަތެއް ނޫންކަމަށް ނަޝީދު ވިދާޅުވިއެވެ.
ޕީޕީއެމުން މަސައްކަތް ކުރަނީ ކުރެންދޫވެސް ފަޅުކޮށްލަން ކަމަށާއި، އަދި ރާއްޖޭހެ އެހެން ރައްތަށްވެސް ފަޅުކޮށްލަން ކަމަށް ނަޝީދު ވަނީ ވިދާޅުވެފައެވެ. މިފަދަ ވިސްނުމެއްގައި ތިބި ބަޔަކާއި ގުޅުންހުރި ކެނޑިޑޭޓުން ރާއްޖޭގެ އެއްވެސް ސަރަހައްދަކަށް އެއްވެސް ރަށަކަށް އިންތިޚާބު ކުރުމަކީ ތަރައްޤީއަށް އެޅޭނެ ހުރަހެއްކަމަށް ނަޝީދު ވިދާޅުވިއެވެ.
ރައީސް ނަޝީދު މިހެން ވިދާޅުވިއެވެ. ލާމަރުކަޒީ ޤާނޫނުން ކައުންސިލްތަކަށް ދޫކޮށްލަންޖެހޭ ބާރުތައް ދޫނުކުރާ މައްސަލާގައި ގިނަ ކައުންސިލްތަކުން އަދިވެސް ދަނީ ކަންބޮޑުވުން ފާޅު ކުރަމުންނެވެ. ރަށްރަށުގެ އިޚްތިސާސްގައި ހިމެނޭ ކަނޑައެޅިފައި ވީނަމަވެސް އެތަންތަންވެސް ކައުންސިލަތަކަށް ބޭނުން ކުރުމުގެ އިޚްތިޔާރު އެންމެ ފުރިހަމަ ގޮތުގައި އަދިވެސް ސަރުކާރުން ދޫކޮށްލާފައި ނުވެއެވެ.
ކުރެންދޫ ކައުންސިލް ރައީސްކަމަށް ސަރުކާރު ހިންގާ މައި ޕާޓީ އެމްޑީޕީއާއި، އިދިކޮޅު ޕީޕީއެމުން ވާދަކުރެއެވެ.
One Response
ހަމަގައިމުވެސް ތިޔައުޅޭގޮތަށް ދިވެހިން ބޭނުންނުވާ އަނެއްފިކުރެއް ގެނެސް ދިވެހިން ވާ ވައްދާކަށް މަސައްކަތެއްނުކުރޭ. ސިއްރުއެޖެންޑާތަކާއި ޖީބަށް ބަރު ޑީލްތަކުން ބޭރުގެ ފަރާތްތަކަށް ސިއްރު އެއްބަސްވުންތައް ހަދައި ދިވެހިންގެ އަމާންކަމަށް ގެއްލުންވާނޭގޮތަށް މަސައްކަތެއް ނުކުރާނެ، ސިއްރުން ކުރާ ނޭއްގާނީ ކަންކަމަށް ހުރަސްއަޅަން ކެރޭނީ ގަޓުހުރި މީހުންނަށް. ރނޑކޅކށ ދޮންކޭލެއް ނުކެރޭނެ.