ވާދަވެރިކަން ބޮޑޫވެ ހޫނުވެފައިވާ އެމްޑީޕީ ޗެއަރޕާސަން އިންތިޚާބާއި ގުޅިގެން އެމްޑީޕީގެ އެއްވެސް މެންބަރަކު ހަޑިކޮށް ނޫޅުމަށް އެމްޑީޕީގެ ރައީސް މުޙައްމަދު ނަޝިދު އެޕާޓިގެ މެންބަރުންނަށް އިލްތިމާސްކުރައްވައިފިއެވެ.
އެމްޑީޕީގެ ޗެއަރޕާސަން އިންތިޚާބު ފަސްކުރުމަށް، އިންތިޚާނބުގައި ޥާދަކުރައްވާ އިކޮނޮމިކް މިނިސްޓަރ ފައްޔާޟް އިސްމާޢީލް އެމްޑީޕީ ޤައުމީ މަޖިލީހަށް ހުށައެޅި މައްސަލއާއި ގުޅިގެން ޤައުމީ މަޖިލީހުގެ ތަޅުން ފެނިގެން ދިޔައީ ވަރަށް ހޫނުވެ ޒުވާބުކުރުމެވެ. އިންތިގެ ފެކްޝަނާއި ފައްޔާޟްގެ ފެކްޗަންގެ މެންބަރުން ހުތުރުކޮށް ވާހަކަދައްކާ ރައްދު ދިން މަންޒަރުވެސް ފެނިގެންދިޔައެވެ. މިއާއެކު ވަރަށް ގިނަ ބައެއްގެ ފަޑުކިޔުން ވަނީ އެމްޑީޕީއަށް އަމާޒުވެފައެވެ.
މިކަމާއި ގުޅިގެން އެމްޑީޕީގެ ރައީސް މުޙައްމަދު ނަޝިދު އެޕާޓިގެ ޤައުމީ މަޖިލީހުގެ ވަޓްސްއަޕް ގްރޫޕަށް ފޮނުވި މެސެޖެއްގައި ވަނީ، ފައްޔާޟާއި ރޮޒައިނާއަކީ އިންތިޚާބުގައި ވާދަކުރައްވާ ދެ ކެނޑިޑޭޓުންކަމަށެވެ. އެހާ ބޮޑަށް އަތްއުކައި، ކަނޑިކި ނަގާ، ކަރުބުޑުން ނެރޭ އަޑުފައްގަނޑު ނެރި ހަޅޭލެވުން އެއީ އެޕާޓީއަށް ލިބޭ ވަރަށްބޮޑު ހުތުރެއްކަމަށްވެސް ނަޝީދު ވިދާޅުވިއެވެ.
ނަޝީދު ވަނީ އިންތިޚާބުގައި ވާދަކުރައްވާ ކެނޑިޑޭތުން ރީތިކޮށް އުޅުމަށް ނަސޭހަތްތެރިވެވަޑައިގެންފައެވެ. އަދި އެމްޑީޕީ ޤައުމީ މަޖިލީހު މެންބަރުންވެސް އަޚްލާޤީ މިންގަނޑޫ ދޫކޮށްނުލުމަށްވެސް ނަޝިދު އެދިވަޑައިގެންފައިވެއެވެ.
ނަޝީދު މިހެން ވިދާޅުވެފައިވާއިރު، ނަޝީދު ވަނީ މީގެ ކުރިން ފައްޔާޒަކީ އެމްޑީޕީ ތެރޭގައި "ބްރޯ" ހެދިގެން އުޅުއްވާ ބޭފުޅެއްކަމަށް ވިދާޅުވެ ބަހުގެ ހޫނު ހަމަލާތަކެއްވެސް ދެއްވާފައެވެ.ފައްޔާޟު ވިދާޅުވީ އޭނާއާ ޓީމު އޮތީ ސަރުކާރާއެކު ގަދަކޮށް ކަމަށެވެ. އަދި އޭނާއަށް ނިސްބަތްކޮށް ނުފޫޒު ފޯރުވަނީ ކަމަށާ އެއީ "ބްރޯ" ކަމަށް ލޭބަލް ކުރެވިދާނެ ކަމަށެވެ. ނަމަވެސް "އަސްލު ބްރޯ" އަކީ ކާކުކަން ރައްޔިތުންނަށް މިއަދު އެނގޭ ކަމަށް ވިދާޅުވިއެވެ.
ފައްޔާޟަކީ މިސަރުކާރުގެ އެންމެ ނުފޫޒުގަދަ ވަޒީރަށް ވާއިރު، ފައްޔާޟާއި ދެކޮޅަށް ރައީސް ނަޝީދު ނިކުންނެވުމުން އޭނާގެ ދިފާއުގައި ނިކުންނެވީ ސީދާ ރައީސް ޞާލިހުއެވެ. ރައީސުލްޖުމްހޫރިއްޔާ ވިދާޅުވީ މިނިސްޓަރ ފައްޔާޟް އިސްމާއިލްއަކީ މިސަރުކާރުގެ ވައުދުތައް ފުއްދުމުގަޔާއި، ތަންފީޒީ މަރުހަލާގައިވެސް އެންމެބުރަކޮށް މަސައްކަތް ކުރައްވާ އެއްވަޒީރުކަމަށެވެ. އަދި ކޯވިޑް19ގެ ހާލަތުގައިވެސް ދިމާވި މައްސަލަތައް ހައްލުކޮށް ދެއްވުމުގައި މިނިސްޓަރ ފައްޔާޟު ވަރަށްބުރަކޮށް މަސައްކަތް ކުރައްވާފައިވާކަމަށް ރައީސުލްޖުމްހޫރިއްޔާ ވިދާޅުވިއެވެ. އަދި ފައްޔާޟަށް އެމަނިކުފާނުގެ ފުރިހަމަ އިތުބާރު އޮތްކަމަށެވެ.
2 Responses
ކަރުބުޑުން އަޑުނެރެ،ބިރަކާނުލާ މަޖާކުރަންގޮވާ،ތަޅާނެ ކުދިންކޮޅެއްހޯދާ،ޤައުމުގައިހުޅުޖަހާ،އިސްލާމްދީނަށް ފުރައްސާރަކޮއް،ރަންނަމާރި ތެޅޭތެޅުންބަލަ
ނަސީދޫ! ފުރަތަމަ ކަނޑިކި ނެގީ ތިކޮޅުންނޭ! ދެކޮޅު ބަލާފަ ވާހަކަ ދައްކަބަލަ.