އެމްޑީޕީގެ އެތެރޭގެ އިންތިޚާބެއްގައި މަޤާމަކަށް ކުރިމަތިލުމަކީ ކޮންމެ މެމްބަރަކަށްވެސް ލިބިފައިވާ ހައްގެއް ކަމަށާއި، މަޤާމަކަށް ކުރިމަތިލުމަކީ ޕާޓީ ހިސޯރު ކުުރަން އުޅުންކަމަށް ވާހަކަ ދެއްކުމަކީ ހަމަޖެހޭ ކަމެއް ނޫންކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.
އިކްރާމް މިފަދައިން ވިދާޅުވީ އެމްޑީޕީގެ ތެރެއިން ވަކި ބަޔަކު އެކަހެރިކޮށް ޕާޓީ ހިސޯރު ކުރަން މަސައްކަތް ކުރާ ބަޔަކު ޕާޓީ ތެރޭގައި އުޅޭ ކަމަށް ވެލިދޫ ދާއިރާގެ މެމްބަރު މުހައްމަދު ވިދާޅުވެ ދެއްކެވި ވާހަތަކާއި ގުޅިގެންނެވެ. މޯޑު ވިދާޅުވީ އެމްޑީޕީގެ އެތެރޭގެ އިންތިޚާބުތަކާއި ދިމާކޮށް އެމްޑީޕީ ހިސޯރު ކުރުމުގެ ވިސްނުން ޕާޓީ ތެރޭގައި ބަޔަކު ގެންގުޅެމުންދާ ކަމުގައެވެ. އެގޮތުން އެ ބަޔަކު ބޭނުން ވަނީ ޕާޓީން ރައީސް ނަޝީދު އެކަހެރިކޮށްލަން ކަމަށާއި އެ ކަމަށް ދުރާލާ ރޭވިގެން މަސައްކަތް ކުރަމުން ގެންދާ ކަމަށް އޭނާ ވިދާޅުވިއެވެ.
ޗެއަރޕާސަން އިންތިހާބާއި ދިމާކޮށް ޕާޓީގެ ތެރެއިން ބަޔަކު ޕާޓީ ހިސޯރުކުރުމަށް މަސައްކަތް ކުރަމުން ދާ ކަމުގައި މޯޑު ސިފަކުރެއްވިއެވެ. އެގޮތުން ވަޒީފާގެ ބިރު ދެއްކުމާއި ނުފޫޒު ފޯރުވުން މިއިންތިހާބާއި ދިމާކޮށް އާންމުވެފައިވާ ކަމުގައި އޭނާ ފާހަގަކުރެއްވިއެވެ.
މޯޑުގެ ވާހަކަތަކާއި ގުޅިގެން އިކްރާމް ވިދާޅުވީ ޑިމޮރަސީގެ އުސޫލުން އެމްޑީޕީގެ އެތެރޭގެ އިންތިޚާބެއްގައި ވާދަކުރުމަކީ، ޕާޓީ ހިސޯރު ކުރުން އުޅުންކަމަށް ނުބުނެވޭނެކަމަށެވެ. އަދި އެއީ ޑިމޮކްރަސީއާއި ބީރައްޓެހި ވާހަކަތަކެއްކަމަށް އިކްރާމް ވިދާޅުވިއެވެ.
ޑިމިކްރަޓިކް އުސޫލުން ޕާޓީގެ އެތެރޭގެ މަޤާމަކަށް ކުރިމަތި ލުމަކީ ޕާޓީ ހިސޯރު ކުރަން މަސައްކަތް ކުރުން ކަމަށް ސިފަ ކުރުމަކީ ޑިމޮކްރަސީއާއި ދިމާ އިދިކޮޅު ވިސްނުމެއް.
– އިކްރާމް ވިދާޅުވިއެވެ.
އެމްޑީޕީގެ އެތެރޭގެ އިންތިހާބުގެ ވާދަވެރިކަން ފޯރީގައި ކުރިއަށްދާއިރު ޗެެއަރޕާސަންކަމަށް ކުރިމަތިލައްވާފައިވާ ދެކެންޑިޑޭޓުން ކަމުގައިވާ އިކޮނޮމިކް މިނިސްޓަރ ފައްޔާޒް އިސްމާއީލާއި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ގެންދަވަނީ ކެމްޕޭން ދަތުރުތައް ރާއްޖޭގެ ރަށްތަކަށް ކުރައްވަމުންނެވެ.
