ރައްޔިތުންގެ މަޖިލީހުގެ މިއަހަރުގެ ފަހު ދައުރަށް 28 ބިލެއް ހުށަހެޅުމަށް ސަރުކާރުން ނިންމައިފި އެވެ.
ބަންޑާރަ ނާއިބުގެ އޮފީހުން ވިދާޅުވީ މި ދައުރު ޖުމްލަ 28 ބިލެއް ހުށަހަޅާއިރު، މުޅިން އަލަށް 19 ބިލެއް އަދި މިހާރު އަމަލު ކުރަމުން ދާ ގާނޫނުތަކަށް އިސްލާހު ގެނައުމުގެ 9 ބިލެއް ސަރުކާރުގެ ފަރާތުން މަޖިލީހަށް ހުށަހަޅަން ހަމަޖެހިފައިވާކަމަށެވެ.
އަލަށް ހުށަހަޅާ 19 ބިލުގެ ތެރޭގައި އަބުރާ ބެހުމާގުޅޭ ބިލެއް ވަނީ ހިމަނާފަ އެވެ. މިފަހަރު ހުށަހަޅުމަށް ހަމަޖެހިފައި ވަނީ، އަބުރާ ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ބިލެވެ.
އަލަށް ހުށަހަޅާ ބިލުތައް:
- ޕޭމަންޓް ސިސްޓަމާއި ޕޭމަންޓް ހިދުމަތްތަކުގެ ބިލު
- ހެއްކާ ބެހޭ ބިލު
- މޯލްޑިވްސް މީޑިއާ އެންޑް ބްރޯޑްކާސްޓިން އެތޯރިޓީގެ ބިލު
- ކާބޯތަކެއްޗާ ބެހޭ ބިލު
- ނޭޝަނަލް ރަޖިސްޓްރޭޝަންގެ ބިލު
- އާންމު ދަތުރުފަތުރުގެ ބިލު
- އަބުރާ ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދުނުމުގެ ބިލު
- ދިރޭ ޖަނަވާރުގެ ރައްކާތެރިކަމުގެ ބިލު
- ތަސްނީފް ކުރުމުގެ ބިލު
- ނެތިދިޔުމުގެ ބިރުހީވެފައިވާ ދިރޭ ތަކެތީގެ ވިޔަފާރިކުރުމުގެ ބިލު
- ފޮރިން އިންވެސްޓްމަންޓުގެ ބިލު
- އިލެކްޓްރޯނިކް މުއާމަލާތްތަކުގެ ބިލު
- އިންސޮލްވަންސީއާ ބެހޭ ބިލު
- ގާނޫނީ އެހީތެރިކަން ފޯރުކޮށްދިނުމުގެ ބިލު
- އާއިލާއާ ބެހޭ ބިލު
- ނަފްސާނީ ސިއްހަތުގެ ބިލު
- މީހުން ސްމަގްލްކުރުން ހުއްޓުވުމުގެ ބިލު
- ބޯހިޔާވަހިކަމުގެ ބިލު
- މަދަނީ ވައިގެ ދަތުރުފަތުރުގެ ބިލު
މިހާރު ހުރި ގާނޫނުތަކަށް އިސްލާހު ގެނައުމަށް ހުށަހަޅާ ބިލުތައް:
- ޓެކްސް ނެގުމުގެ އިދާރީ ގާނޫނަށް އިސްލާހު ގެނައުމުގެ ބިލު
- ރާއްޖޭގެ ކޯޓުތަކުގެ ގާނޫނަށް އިސްލާހު ގެނައުމުގެ ބިލު
- ރާއްޖޭގެ ފަނޑިޔާރުންގެ ގާނޫނަށް އިސްލާހު ގެނަުއުމުގެ ބިލު
- މީހުން ޓްރެފިކްކުރުން ހުއްޓުވުމުގެ ގާނޫނަށް އިސްލާހު ގެނައުމުގެ ބިލު
- ކުދި އަދި މެދު ފަންތީގެ ވިޔަފާރީގެ ގާނޫނަށް އިސްލާހު ގެނައުމުގެ ބިލު
- އަމިއްލަ ފަރުދުންގެ ވިޔަފާރީގެ ގާނޫނަށް އިސްލާހު ގެނަުއުމުގެ ބިލު
- އާމްދަނީން ޓެކްސް ނެގުމުގެ ގާނޫނަށް އިސްލާހު ގެނަުއުމުގެ ބިލު
- ރާއްޖޭގެ ޓޫރިޒަމާބެހޭ ގާނޫނަށް އިސްލާހު ގެނައުމުގެ ބިލު
- ރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ގާނޫނަށް އިސްލާހު ގެނައުމުގެ ބިލު
މަޖިލީހުގެ ފަހު ދައުރަށް މުހިންމު ބިލްތަކެއް ހުށަހަޅާފައިވާއިރު، ކޯވިޑް-19ގެ ސަބަބުން މިއަހަރު ޗުއްޓީއެއް ނުނަގައި ކުރިއަށް ދިޔަ މަޖިލީހުގެ ފުރަތަމަަ ދައުރާއި ދެވަނަ ދައުރުގެ ތެރޭގައި ވަނީ %68 މަސައްކަތް ނިންމާފައެވެ. މަޖިލީހުގެ ނިމިދިޔަ ދައުރުގެ ތެރޭގައި 21 ބިލެއްގެ މަސައްކަތް ވަނީ ނިންމާފައެވެ.
