މަސްވެރިންގެ އަތުން މަސް ގަންނަ އަގު މިފްކޯއިން ބޮޑުކޮށްފިއެވެ. މިފްކޯއިން ބުނީ މިއަދުން ފެށިގެން މިފްކޯގެ ސެންޓަރުތަކުން މަސްވެރިންގެ އަތުން މަސް ގަންނަމުންދާނީ ކިލޯއެއް 17 ރުފިޔާއަށް ކަމަށެވެ.
މަސްވެރިންގެ އަތުން މަސް ގަންނަ އަގު މިފްކޯއިން ބޮޑުކޮށްފައިވާއިރު، މިއަހަރަށް ރައްޔިތުންގެ މަޖިލިސް ހުޅުވުމަށް ބޭއްވި ޖަލްސާގައި ރިޔާސީ ބަޔާން އިއްވަވަމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްވަނީ އަންނަ މާޗް މަހުގެ ފުރަތަމަ ހަފްތާއިން ފެށިގެން މިފްކޯއަށް މަސްގަންނަ އަގު ބޮޑުވާނެކަމަށް ވިދާޅުވެފައެވެ. އަދި ދެން މިފްކޯއިން މަސް ގަންނާނީ ދުނިޔޭގެ ބާޒާރުގައި މަހުގެ އަގަށް އަންނަ ބަދަލާ އެއްގޮތަށްކަމަށްވެސް ރައީސް ވިދާޅުވިއެވެ.
މަސްވެރިން އަތުން މިފްކޯއަށް މަސް ގަންނަ އަގު 17 ރުފިޔާ އަށް މިއަދުން ފެށިގެން ވަނީ ބޮޑުކުރެވިފަ.
މިފްކޯގެ ހިންގުން ހަރުދަނާ ކުރެވި ޚަރަދުތައްވެސް ވަނީ ކުޑަކުރެވިފަ.
ބޭރުގެ މާކެޓްތައް ހޯދި ދަޅުމަސް ބޭރުކުރެވޭ އަދަދު ވެސް ވަނީ އިތުރުކުރެވިފަ.
— Amr ???? (@HusenAmr) February 28, 2022
ކިލޯއަކުން 1ރ ބޮޑުވުމުން، އެއީ ޓަނަކުން 1000ރ ގެ ބޮޑުވުމެއް ކަމަށެވެ. އަދި ކުރިއަށްއޮތްތާގައި މަހުގެ އަގަށް އިތުރު ހެޔޮ ބަދަލުތަކެއް ގެނައުމުގެ ވިސްނުން އެބަހުރި މިފްކޯއިން ބުންޏެވެ. މިފްކޯގެ އުފެއްދުންތަކަކީ ދިވެހިންގެ މެދުގައި މަޤްބޫލް އުފެއްދުންތަކެކެެވެ.
ކޮމެންޓު ފޮނުވާ