ކުރިޔަށް އޮތް ވާރލްޑް ކަޕުންނާއި އަދި ޔޫރޯގެ އަންހެން މުބާރާތުގައި ރަޝިއާއަށް ވާދަ ނުކުރެވޭ ގޮތް ހެދުމަށް އިނގިރޭސި ފުޓްބޯޅަ އެސޯސިއޭޝަންއިން ފީފާއި އާއި ޔޫއެފާގައި އެދިއްޖެއެވެ.
އިންގްލިޝް، ސްކޮޓިޝް އަދި ވޭލްސް ފުޓުބޯޅަ އެސޯސިއޭޝަންއިންވަނީ ހޯމަދުވަހު، ރަޝިއާގެ ނަން ނޫން އެހެން ނަމެއްގައި ވާރލްޑްކަޕް ކޮލިފައިންގައި ރަޝިއާގެ ޓީމު ކުޅުނު ކަމުގައިވި ނަމަވެސް، މިގައުމުތަކުން ރަޝިއާގެ ޓީމާއެކު ކޮލިފައިންގެ އެއްވެސް މެޗެއް ނުކުޅޭނެކަމަށް ބުނެފައެވެ.
ރަޝިއާ، ދުނިޔޭގެ ފުޓުބޯޅަ މުބާރާތުން ބޭރު ކުރުމުގެ އަޑުތައް ގަދަވެގެން ދާން ފެށުމާއި ގުޅިގެން، މިފަހްތާގެ އާދީއްތަ ދުވަހު، ފީފާއިން ނިންމާފައިވަނީީ، ރަޝިއާއި ކުޅޭ މެޗްތައް އެގައުމުން "ފުޓުބޯޅަ ޔޫނިއަން އޮފް ރަޝިއާ" މިނަމުގައި މެޗްތަކުގައި ވާދަ ކުރާ ގޮތަށާއި، އަދި މެޗުތަކުގައި ރަޝިއާގެ ދިދައާއި އަދި އެގައުމުގެ ގައުމީ ސަލާމް ބޭނުން ނުކުރެވޭނެކަމަށް ނިންމާފައެވެ.
އެހެންނަމަވެސް، ރަޝިއާގެ ރައީސް ޔޫކުރެއިންއަށް އަސްކަރީ ހަމަލާދީ ހިންގަމުންދާ އުދުވާންގެ ކުރިމަތީގައި، މި ފިޔަވަޅުތަކަކީ އެކަށީގެންވާވަރުގެ ހަރުކަށި ފިޔަވަޅުތަކަކަށް ނުވާކަމަށް ބުނެ، ޔޫރަޕްގެ ގައުމުތަކުގެ ފުޓުބޯޅަ އިދާރާތަކުންވަނީ ރުޅިވެރިކަން ފާޅު ކޮށްފައެވެ.
އިނގިރޭސި ފުޓުބޯޅަ އެސޯސިއޭޝަންއިން ބުނެފައިވަނީ، ރަޝިއާންގެ އުދުވާންގެ ބަދަލުގައި އޮތް ހަމައެކަނި ހައްލަކީ ކުރިޔަށް އޮތް ފުޓުބޯޅަ މުބާރާތްތަކުން ރަޝިއާ ބޭރުކުރުން ކަމުގައެވެ. އަދި އެނޫން ހައްލެއް ނެތްކަން ފީފާއަށާއި ޔޫއެފާއަށް އެގައުމުން މިހާރު އަންގާފައި ވާނެ ކަމަށެވެ.
ބައެއް މީޑިއާތަކުން ރިޕޯޓު ކުރާގޮތުގައި، ޚާއްސަކޮށް ކުރިޔަށް އޮތް ޔޫރޯގެ އަންހެން މުބާރާތުން ރަޝިއާ ވަކިކުރުމާއި ބެހޭގޮތުން ޔުއެފާއިން މިހާރު ގެންދަނީ މަޝްވަރާތައް ކުރިޔަށް ގެންދަމުންނެވެ. އަދި ބައެއް މީޑިއާތަކުން ރިޕޯޓު ކޮށްފައިވާ ގޮތުގައި، ޔޫރޯ ފުޓުބޯޅަ މުބާރާތް އޮތީ ޖުލައިމަހުގައި ކަމަށްވެފައި އަދި ވާރލްޑްކަޕް މުބާރާތް އޮތީ ނޮވެމްބަރުމަހު ކަމަށް ވުމާއެކު، ރަޝިއާ މިމުބާރާތްތަކުން އެކީ ބޭރުކުރުމަށް އޮތް ގޮންޖެހުމަކީ، މިހާތަނަށް ދާއިރު މަސްރަހަށް އަތުވެދާނެ ބޮޑެތި ބަދަލުތައްކަމުގައި ފީފާއާއި ޔޫއެފާއިން ދަނީ ދެކެމުންނެވެ.
