އެތައް އަހަރުތަކަށް ފަހު މާލެއަށް މިއަދު ހެނދުނު ވެލައައެއް އަރައިފިއެވެ.
އެ ވެލާ އަރާފައިވަނީ ހެނދުގެ ވަގުތެއްގައި ސިނަމާލެ ބްރިޖް ކައިރިއަށެވެ. ވެލާ އަރާފައި އޮތް ސަރަޙައްދަކީ މާލޭގެ އެންމެ ފަސޭހައިން އެރެން އޮތް ހަމައެކަނި ސަރަހައްދެވެ.
ހެނދުނު 6:00 ހާއިރު ވެލާ އެރީ ސިނަމާލެ ބްރިޖު، މާލެއާއި ގުޅިފައިވާ ސަރަހައްދަށް 10 ވަރަކަށް ފޫޓަށް ވެލި ޖަމާވެފައިވާ ތަންކޮޅަށެވެ. ބްރިޖްގެ ހުޅަނގު ދެކުނު ފަރާތަށް ވެލާ އަރާ އޮއްވާ ފެނިފައިވަނީ އެ ސަރަހައްދުގައި ކަސްރަތުކުރަން އުޅުނު ބަޔަކަށެވެ. ނަމަވެސް އެ ސަރަހައްދަށް އަރާއޮތް ވެލާ ފުލުހުން ވަނީ މޫދަށް ބާލަފައެވެ.
ބާއްޖަވެރި ހެނދުނެއް. މާލޭ ބްރިޖް ކައިރިން ބޮޑު ވެލައެއް pic.twitter.com/OKLp6TuMcN
— Mohd Abdulla Shafeeg (@mashafeeg) February 27, 2022
އެ ސަރަހައްދުގައި އެ ވަގުތު ތިބި ދޮށީ އުމުރުގެ ބައެއް މީހުން ވަނީ ވެލާ އަރާ އޮތީ ބިސް އަޅަން ކަމަށްވާތީ ވެލައަށް އެ ފުރުސަތު ދޭން ފުލުހުންގެ ކިބައިން އެދިފައެވެ. ނަމަވެސް ފުލުހުން ވަނީ އާންމުން ވެލައާ ގާތް ނުވުމަށް ބުނެ އެ ވެލާ މޫދަށް ބޭރުކޮށްލާފައެވެ.
މިއަދު ސިނަމާލެ ބުރިޖު ކައިރިއަށް އެރި ވެލާ ބިސް އެޅިކަމެއް ނޭނގެއެވެ. ނަމަވެސް ސޯޝަލް މީޑިއާގައި އާއްމުވެފައިވާ ވީޑިއޯތަކުން ވެލާ ބޮޑު ވަޅުގަނޑެއް ކޮނެފައި ހުރި މަންޒަރު ފެނިފައި ވެއެވެ. ބެލެވޭ ގޮތުގައި މާލެ އަށް އަރާފައި ވަނީ މުސަންބީއެކެވެ.
މިހާރު ދުނިޔޭގައި އުޅޭނެ ކަމަށް ބެލެވެނީ އެބާވަތުގެ 85000 އާއި 90000 އާއި ދެމެދުގެ އަދަދެއްގެ ވެލައެވެ. ވެލާ ކަހަނބު ހިފުމާއި އެތަކެތީގެ ބިސް ނެގުމަކީ ރާއްޖޭގެ ގާނޫނުތައް ބުނާ ގޮތުން ކުށެކެވެ.
