ކޮމަންޑޫ ދާއިރާގެ މެމްބަރުކަމަށް އިންތިޚާބު ރާޝިދު މަޖިލީހުގެ ތިން ކޮމެޓީއަކަށް ކަނޑައަޅައި، ކޮމެޓީތަކަށް ބަދަކު ގެނެސްފިއެވެ.
ކޮމެޓީތަކަށް ގެނައި ބަދަލުތައް މަޖިލީހަށް އިއްވެވީ މަޖިލިސް ރައީސް މުހައްމަދު ނަޝީދެވެ. ނަޝީދު ވިދާޅުވީ މަޖިލީހުގެ ގަވާއިދުގެ 131 ވަނަ މާއްދާގެ (ށ) ގެ ދަށުން، ބައެއް ކޮމިޓީތަކަށް ބަދަލު ގެނެސްފައިވާ ކަމަށެވެ.
މިބަދަލާއިއެކު މާލިއްޔަތު ކޮމެޓީއަށް އެމްޑީޕީގެ ފަރާތުން، ފުވައްމުލަކު ދެކުނު ދާއިރާގެ މެމްބަރު މުހައްމަދު މުމްތާޒު ހަމަޖައްސާފައިވާފައެވެ. އަދި އާންމު ކޮމެޓީގައި އެމްޑީޕީގެ ފަރާތުން ހިމެނިވަޑައިގަންނަވާ މެމްބަރު މުމްތާޒުގެ ބަދަލުގައި އެ ކޮމިޓީއަށް ކޮމަންޑޫ ދާއިރާގެ މެންބަރު ރާޝިދު ވަނީ ހަމަޖައްސަވާފައެވެ.
ލާމަރުކަޒީ ކޮމެޓީއަށް އެމްޑީޕީގެ ފަރާތުން ހިމެނިވަޑައިގަންނަވާ މަޑަވެލި ދާއިރާގެ މެމްބަރު ހުސައިން ފިރުޝާންގެ ބަދަލުގައި އެކޮމިޓީއަށާއި ވެސް ރާޝިދު ހަމަޖައްސާ ކަމަށް ނަޝީދު ވިދާޅުވިއެވެ. އަދި އިމްތިޔާޒާ ސުލޫކު ކޮމެޓީއަށްވެސް ރާޝިދު ވަނީ ހަމަޖައްސާ ކަމަށެވެ.
މުހައްމަދު ރާޝިދު، ރައްޔިތުންގެ މަޖިލީހުގެ ކޮމަންޑޫ ދާއިރާގެ މެންބަރު ކަމުގެ ހުވާ ކުރައްވާފައިވަނީ މި މަހުގެ ނުވަ ވަނަ ދުވަހުގައެވެ.
