ބޮލީވުޑްގެ ސުޕަރސްޓާ ޝާހްރުކް ޚާން ތަފާތު ގޮތަކަށް ފެނިގެންދާ ތަސްވީރެއް ސޯޝަލް މީޑިއާގައި ވައިރަލް ވެއްޖެއެވެ.
ކޮނޑާ ހަމައަށް ދިގު ކޮށްފައިވާ އިސްތަށިގަނޑާއި ނުރަ ތުނބުޅިއާއެކު އާންމު ވި މިފޮޓޯގައި ޝާހް ފެނިގެންދަނީ 'މުސްކުޅި' ގޮތަކަށް ނަމަވެސް ސްމާޓްކޮށެވެ.
ޝާހްގެ ފޭން ޕޭޖްތަކުން އާންމު ކޯށްފައިވާ މި ފޮޓޯއަކީ ގިނަ ބަޔަކު އިންތިފާގުވާ ގޮތުގައި އޭނާ މިހާރު ކުޅެމުން އަންނަ ފިލްމު "ޕަތަން" ގައި އޭނާ ފެނިގެން ދާނެގޮތެކެވެ.
ޝާހްރުކަށް ސަޕޯޓް ކުރާ ގިނަ މީހުން ބުނަމުން އަންނަނީ ކޮންމެ "ލުކް" އެއްވެސް އޭނާއާ ގުޅޭ ކަަމަށެވެ. އަދި ނުރަ ތުނބުޅީގައި ހުރުމުން ވެސް ޝާހް އެތައް ގުނައެއް ރީތިވެފައި ވާކަމަށް އަންނަނީ ބުނަމުންނެވެ.
2018 ވަނަ އަހަރުގެ ފްލޮޕް ފިލްމު "ޒީރޯ" އަށް ފަހު ބޮޑު ސްކްރީން އަށް ޝާހު އެނބުރި އަންނަނީ "ޕަތާން" އިންނެވެ. "ޒީރޯ" ގައި ޝާހްރުކާ އެކުގައި ފެނިގެން ދިއައީ ކެޓްރީނާ ކައިފް އަދި އަނުޝްކާ ޝަރުމާއެވެ.
View this post on Instagram
ބާރު ސުޕީޑުގައި ޝާހް މިހާރު އަންނަނީ ފިލްމު "ޕަތަން" ގެ މަސައްކަތް ކުރަމުންނެވެ. މިއީ ބޮޑު ކާސްޓެއް ހިމެނޭ ފިލްމެކެވެ. މުހިންމު ރޯލުތަކުން ދީޕިކާ ޕަޑުކޯން، ޖޯން އަބަރަހަމް އަދި ޝަބާނާ އާޒްމީ ފަދަ ތަރިންވެސް ފެނިގެން ދާނެއެވެ. މީގެ އިތުރުން ހާއްސަ ފެނިލުމަކުން ސަލްމާން ޚާން ވެސް ފެނިގެން ދާނެއެވެ.
ކޯވިޑްގެ ސަބަބުން މިހާރުވެސް މި ފިލްމު ވަނީ ވަރަށް ބޮޑަށް މަސައްކަތްތައް ޑީލޭ ވެފައެވެ.
