ދަނޑުވެރިއަކު ހެއްދި ސްޓްރޯބެރީ އެއް ދުނިޔޭގެ ރެކޯޑް ފޮތުން ޖާގަ ހޯދައިފިއެވެ.
ބަރުދަނުގައި 289 ގްރާމް ހުރި މި ސްޓްރޯބެރީ، އެންމެ ބަރު ސްޓްރޯބެރީގެ ރެކޯޑް މުގުރާލިއިރު މީގެ ދިގުމިނުގައި 18 ސެންޓިމީޓަރު، އަދި ވަށަމިނުގައި 34 ސެންޓިމީޓަރު ހުރެއެވެ.
އިޒްރޭލުގެ ދަޑުވެރިއަކު ހެއްދި މި ސްޓްރޯބެރީ އެހާ ބޮޑުވާން މެދުވެރިވި ސަބަބެއް ކަމަށް ބެލެވެނީ މިދިޔަ އަހަރު ފިނި މޫސުމުގައި، އެ ދަނޑުވެރިއާގެ ސްޓްރޯބެރީ ދަނޑުގައި ހެއްދި ސްޓްރޯބެރީތައް ދޮން ވާން ގިނަ ވަގުތު ނެގުމުން ކަމަށް ގިނިސް ވޯލްޑް ރިކޯޑްސްގެ ވެބްސައިޓްގައި ބުނެފައިވެ އެވެ.
ދުނިޔޭގެ އެންމެ ބަރު ސްޓްރޯބެރީގެ ރޭކޯޑު މީގެކުރިން އޮތީ 250 ގްރާމްގެ ސްޓްރޯބެރީއެއްގައެވެ. އެއީ 2015 ވަނަ އަހަރު ރެކޯޑް ފޮތަށް އެރި ސްޓްރޯބެރީއެކެވެ. މި ސްޓްރޯ ބެރީ އަކީ ކޯޖީ ނަކާއޯ (ޖަޕާން) އިން އުފެއްދި ބެރީއެކެވެ.
