އެމްޑީޕީ މާލެ ދާއިރާގެ ރައީސް ސިފާގެ ތާޢީދު ސަފާޢަތަށް

އެމްޑީޕީ މާލެ ދާއިރާގެ ރައީސް ސިފާގެ ތާޢީދު ސަފާޢަތަށް

ކުރިއަށް އޮތް އެމްޑީޕީގެ އަންހެނުންގެ ރޫހުގެ އިންތިޚާބުގައި އެމްޑީޕީގެ މާލެ ދާއިރާގެ ރައީސް ސިފާ މުހައްމަދުގެ ތާއީދު ސަފާއަތަށް ކުރުމަށް ނިންމައިފިއެވެ.

މާލެ ދާއިރާއަކީ އެމްޑީޕީގެ ގިނަ އަދަދެއްގެ މެމްބަރުން ތިބޭ އަދި އެމްޑީޕީއަށް ބޮޑު ތާއީދެއް އޮންނަ ދާއިރާއެކެވެ. އެމްޑީޕީގެ އަންހެނުންގެ ރޫހުގެ އިންތިޚާބުގައި ސަފާއަތަށް ތާއީދުކުރިކަން ހާމަކޮށް ސިފާ ވިދާޅުވީ އަންހެނުންގެ ރޫހުގެ ރައީސަށް ހިންގުމާއި، ތައުލީމުހުރި މީހަކު މުހިންމުކަމަށެވެ. ސަފާއަތަކީ އެޤާބިލްކަން ހުރި ބޭފުޅަކަށްވާތީ އޭނާއަށް ތާއީދު ކުރުމަށް ނިންމާފައިވާކަމަށް ސިފާ ވިދާޅުވިއެވެ.

ސަފާއަތުގެ ހިތްވަރަށް މަރުހަބާ. އަންހެނުންގެ ރޫހު ހިންގުމަށް ތަޢުލީމާއި ތަމްރީން މުހިންމު. ވޭތުވެދިޔަ ތަނުގައި ކާމިޔާބު ކަމާއިއެކު ކޮންގްރެސް ގެންދެވުނީވެސް ސަފާއަތުގެ ބައިވެރިވުމާއިއެކު. އަދި މިކެމްޕެއިންގައި އަޅުގަނޑު ސަފާއަތާއި އެކު ހުރިކަމުގައި ދަންނަވަން.

– ސިފާ ވިދާޅުވިއެވެ.

ސަފާއަތު ވަނީ އެމްޑީޕީގެ އަންހެނުންގެ ރޫހުގެ ރައީސްކަމުގެ މަޤާމަށް ވާދަކުރުމަށްޓަކައި އެމްޑީޕީ އޮފީހަށް މިއަދު ފޯމްވެސް ހުށަހަޅާފައެވެ.

އެމްޑީޕީގެ އަންހެނުންގެ ރޫހަކީ އެމްޑީޕީގެ ސިޔާސީ ހުރިހާ ހަރަކާތެއްގައި އަދި ކަންކަން ނިންމާ ފެންވަރުގައި އެޕާޓީގެ އަންހެން މެމްބަރުންގެ ބައިވެރިވުމާ ހިއްސާ އިތުރުކޮށް، އަންހެން މެމްބަރުންގެ އަޑު އުފުލުމަށް ހެދިފައިވާ ޕާޓީގެ އެންމެ ވަރުގަދަ އެއް ގުނަވަނެވެ. އަންހެނުންގެ ރޫހުގެ މައިގަނޑު މަސައްކަތްތަކަކީ އަންހެނުންގެ ރޫހުގެ ތަސައްވަރަށް ވާސިލުވުމުގައި ޕާޓީއަށް އަންހެން މެމްބަރުން އިތުރުކޮށް ޕާޓީގެ ހަރަކާތްތަކުގައި އަންހެނުންގެ ދައުރު ފުޅާކޮށް ސިޔާސީ، އިޖްތިމާއީ އަދި އިގްތިސާދީ ކަންކަމާމެދު ހޭލުންތެރިކޮށް، ޕާޓީގެ ނިންމުންތައް ނިންމުމުގައި ބައިވެރިވެ، އިންތިޚާބީ މަގާމުތަކަށާއި ގައުމީ އިންތިޚާބީ މަގާމުތަކަށް ޕާޓީގެ ފަރާތުން އަންހެނުން އިންތިޚާބުކުރުމަށް މަސައްކަތްކުރުމެވެ.

އެމްޑީޕީގެ އަންހެނުންގެ ރޫހުގެ އެންމެ އިސް ފަރާތްތަކަކީ އަންހެނުންގެ ރޫހުގެ މެމްބަރުންގެ ވޯޓަކުން އިންތިހާބުކުރެވޭ ރައީސާއާ ނައިބު ރައީސާއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *