ދާދިފަހުން ޑޭވިޑް ބެކަމް ބައިވެރިވި ޕޮޑްކާސްޓެއްގައި ވާހަކަ ދައްކަމުން އޭނާ ވަނީ އަންހެނުން ވިކްޓޯރިއާ ބެކަމްއާ ބެހޭގޮތުން ސިއްރެއް ހާމަކޮށްފައެވެ.
ބެކަމް ބުނި ގޮތުގައި ވިކްޓޯރިއާ ފާއިތު 25 އަހަރުގައި ކެއީ ފިހުނު މަހާއި ފެނުކެއްކި ތަރުކާރީ ކަމަށެވެ. އަދި މިއީ ކޮންމެ ދުވަހެއްގައިވެސް ވިކްޓޯރިއާގެ ކެއުން ކަމަށް ވަނީ ބުނެފައެވެ.
އަދި އޭނާ ތަފާތު އެއްޗެއް ކެއީ ހަގު ދަރިފުޅަށް ބަނޑުބޮޑު އިރުގައި ކަަމަށާއި އެއީ ކޯޗެއް ކަން މިހާރު ބުނަން ނޭނގޭ ކަމަށްވެސް ބެކަމް ވަނީ ބުނެފައެވެ.
މި ވާހަކައާ ގުޅިގެން ގިނަބަޔަކު އަންނަނީ މި މައުލޫގައި ބަހުސް ކުރަމުންނެވެ. އެގޮތުން މެންޗެސްޓާ އީވްނިންގ ނޫހުގެ ނޫސްވެރިއެއް ކަމަށްވާ ޑައިއެން ބޯރން ވަނީ މި ޑައެޓް ހަފްތާއެއް ވަންދެން ކުރިއަށް ގެންގޮސްފައެވެ.
ޑައިއެން ބުނީ މި ޑައެކުރި ސަބަބަކީ މިއީ ދެމެހެއްޓެނިވި ގޮތެއްގައި ކުރިއަށް ގެނދެވިދާނެ ޑައެޓެއްތޯ ބެލުމެވެ. ނަމަވެސް މި ޑައެޓަކީ ފޫހި ޑައެޓެއް ކަމަށާއި ކޮންމެ ދުވަހަކު އެކައްޗެއް ކެއުމަށް އެއީ ވާވަރު ކަމެއް ނޫން ކަމަށެވެ. އަދި އެންމެ ބޮޑު ކަމެއްގެ ގޮތުގައި އޭނާ ފާހަގަކޮށްފައި ވަނީ މި ތަކެތި ކެއި ކަމުގައި ވިޔަސް އޭނާ އަބަދު ބަޑުހައިވެ، މޫޑީ ވެފައި ހުންނަ ކަަމެވެ. އަދި ޑައެޓް ނެގުމުން އެއްވެސް ހަކަތައެއް ނުލިބި އަބަދު ވަރުބަލި ވެފައި ހުންނަ ކަމަށްވެސް އޭނާ ވަނީ ބުނެފައެވެ.
މީގެ އިތުރުން އޭނާ ވަނީ އެ ޑައެޓަކީ ކޮންމެ ކޮންމެ މީހަކަށް އެފޯޑް ކުރެވޭނެ ޑައެޓެއް ނޫން ކަމަށް ބުނެފައެވެ. އަދި ކޮންމެ މީހަކާ ގުޅޭނެ ޑައެޓެއް ނޫން ކަމަށްވެސް ވަނީ ބުނެފައެވެ.
ޑައިއެން ވަނީ ޑައެޓްނެގި ކޮންމެ ދުވަހަކު އޭނާގެ އިހުސާސްތައް ތަފްސީލް ކޮށްދީފައެވެ.
