އެސްޓީއޯއިން ވިއްކާ ޑީސަލާއި ޕެޓްރޯލްގެ އަގު މަސްދުވަސްތެރޭ ދެވަނަ ފަހަރަށް ބޮޑުކޮށްފިއެވެ.
އެސްޓީއޯއިން ބުނީ ތެލުގެ އަގަށް ބަދަލު ގެނައީ ހުއްޓުމެއްނެތި ދުނިޔޭގެ ބާޒާރުގައި ތެލުގެ އަގު އުފުލެމުން އަންނާތީ އެކުންފުންޏަށް ތެޔޮ ގަންނަލް ލިބޭ އަގުވެސް ބޮޑުވުމާއި ގުޅިގެންކަމަށެވެ. އެހެންކަމުން މިއަދުން ފެށިގެން އެކުންފުނިން ވިއްކާ ޑީސަލާއި ޕެޓްރޯލްގެ އަގު ބޮޑުކުރީކަމަށް އެސްޓީއޯއިން ބުންޏެވެ. މިއަދު ގެނައި ބަދަލާއެކު ޕެޓްރޯލު ލީޓަރަކުން 83 ލާރި އަދި ޑީސަލް ލީޓަރަކުން ފަސްދޮޅަސް ލާރި ވަނީ ބޮޑުކޮށްފައެވެ.
އެސްޓީއޯގެ ސަބްސިޑަރީ ކުންފުނި އެފްއެސްއެމް އިން މި ބަދަލާއެކު މިއަދުން ފެށިގެން ޕެޓްރޯލް ލީޓަރެއް ވިއްކާނީ 12.89 ރުފިޔާއަށްކަމަށާއި، ޑީސަލް ލީޓަރެއް 13.04 ރުފިޔާއަށް ކަމަށެވެ.
އެސްޓީއޯއިން އެންމެ ފަހުން ތެލުގެ އަގު ބޮޑުކުރީ މިދިޔަ މަހުގެ 21ގައެވެ.
