ސަރުކާރުގެ ބައެއް ކުންފުނިތަކުގެ ވެރިން ގެންދަވަނީ ކުރިއަށް އޮތް 2023 ވަނަ އަހަރުގެ ރިޔާސީ އިންތިޚާބު އެމްޑީޕީއަށް ކާމިޔާބުވިޔަ ނުދިނުމަށް ވަރަށް ރޭވިގެން މަސައްކަތް ކުރަމުން ކަމުގައި ރައްޔިތުން މަޖިލީހުގެ މަކުނުދޫ ދާއިރާގެ މެމްބަރު މުހައްމަދު ރާއީ ވިދާޅުވެއްޖެއެވެ.
ސަރުކާރުގެ ކުންފުނިތަކޔގެ ތެރެއިން އެމްޑަބްލިއުއެސްސީން ކުމުންދޫ އާރޯ ޕްލާންޓް މަސައްކަތް ކުރި މީހާއަށް ދޭންޖެހޭ ފައިސާ ދީފައި ނުވާ މައްސަލަގާއި އެމީހާ ކަންބޮޑުވުން ފާޅުކޮށްފައިވާއިރު، މެމްބަރު ރާއީ ވަނީ މިކަމުގައި ވަރަށް ބޮޑަށް ނުރުހުންވެ އެމްޑަބްލިއުއެސްސީގެ އެމްޑީ ޝާހުއަށް އަމާޒުކޮށް ފާޑު ވިދާޅުވެފައެވެ. ރާއީ ވިދާ ކޯލިޝަންގެ މަޤާމުތަކުގެ ތެރެއިން ބައެއް ކުންފުނިތަކުގެ ވެރިންގެ ގޮތުގައި ތިބި މީހުން އެމްޑީޕީއަށް 2023 ކާމިޔާބު ވިޔަ ނުދިނުމަށް މަސައްކަތް ކުރާކަމަށެވެ.
ސަރުކާރުގެ SOE ތަކުގެ ވެރިންގެ ގޮތުގައި ތިބި ބައެއް ފަރާތްތަކުން ގެންދަވަނީ ސުމާރެއް ނެތް މިންވަރަށް ލަދުހަޔާތް ކަނޑާލާ ބޭނުންހާ ކަމެއް ބޭނުން ގޮތަކަށް ކުރަމުން. MDP އަށް އޮތް ތާއީދު ފަނޑު ކޮށް 2023 ގެއްލުވާލަން ރޭވިގެން ގުޅިގެން މަސައްކަތް ކޮށްދެމުން.
– ރާއީ ވިދާޅުވިއެވެ.
ރާއީ ވަނީ ކުމުންދޫ އާރޯ ޕްލާންޓުގެ މަސައްކަތް ކުރި މީހާގެ ވީޑިއޯ އިންޓަރވިއުވެސް ހިއްސާކޮށްފައެވެ. އަލީ ހުސެއިން ނަމަކަށް ކިޔާ މިމީހާ ބުނެފައިވަނީ ކުމުންދޫ އާރޯ ޕްލާންޓުގެމަސައްކަތް ކުރުވުމަށްފަހު މިވީ 2 މަސް ދުވަހުގެ ތެެރޭގައި އެއްވެސް ފައިސާއެއް އެމްޑަބިލުއެސްސީން ދީފައި ނުވާކަމަށެވެ. އޭނާއާއި މަސައްކަތް ހަވާލުކުރި ކޮންޓެކްޓަރު ބުނެފައިވަނީ މިމަސައްކަތް އެހެން ބަޔަކާއި ހަވާލުކުރެވޭނީ ކޮންޓްރެކްޓް ބާތިލްކޮށްގެން ކަމަށާއި، ނަމަވެސް އެކަންވެސް ކޮށްފައި ނުވާކަމަށެވެ. މިއަދުމީ ހޮނިހިރު ދުވަހަށްވާއިރު، މިއަދާއި ހަމައަށްވެސް އެއްވެސް ފައިސާއެއް ލިބިފައި ނުވާކަމަށް އެނާ ވަނީ ބުނެފައެވެ.
ޯސަރުކާރުގެ SOE ތަކުގެ ވެރިންގެ ގޮތުގައި ތިބި ބައެއް ފަރާތްތަކުން ގެންދަވަނީ ސުމާރެއް ނެތް މިންވަރަށް ލަދުހަޔާތް ކަނޑާލާ ބޭނުންހާ ކަމެއް ބޭނުން ގޮތަކަށް ކުރަމުން،MDP އަށް އޮތް ތާއީދު ފަނޑު ކޮށް 2023 ގެއްލުވާލަން ރޭވިގެން ގުޅިގެން މަސައްކަތް ކޮށްދެމުން. ???? https://t.co/mIt2lFz2ml
— Mohamed Raee / Makunudhoo Constituency (@Mraee12) February 11, 2022
ރާއީ ވިދާޅުވީ ކުންފުނިތަކުގެ އެކި މަޤާމުތަކަށް އެމްޑީޕީގެ މެމްބަރުން ކުރިމަތިލުމުންވެސް މިފަދަ ދެރަގޮތް ހަދަމުންދާކަމަށެވެ. މިއީ ވަރަށް ބޮޑު ތަފާތު ކުރުމެއްކަމަށާއި، އަދި މިއީ އެމްޑީޕީގެ އާންމު މެމްބަރުން މާޔޫސްކޮށްލައި، އެމްޑީޕީ ބަލިކަށި ކުރުމަށް ކުރަމުންދާ މަސައްކަތްތަކެއްކަމަށް ރާއީ ވިދާޅުވިއެވެ.
ސަރުކާރުގެ SOE ތަކުގެ ވެރިންގެ ގޮތުގައި ތިބި ބައެއް ފަރާތްތަކުން MDPގެ އާއްމު މެމްބަރުން އެ SOE ތަކަށް ވަޒީފާ ތަކަށް ކުރިމަތިލުމުން ތަފާތު ކުރުމުގެ އެތައް ކަމެއް ކުރަމުން ގެންދަނީ ސީދާ MDPގެ އާއްމު މެންބަރުން މާޔޫސް ކޮށްލާ MDP ބަލިކަށި ކުރުމުގެ ބޭނުމުގައިއެވެ.
– ރާއީ ވިދާޅުވިއެވެ.
މެމްބަރު ރާއީ ވަނީ މީގެ ކުރިންވެސް މިހާރު ވެރިކަން ކުރާ ކޯލިޝަންގައި ހިމެނޭ ޕާޓީތަކުގެ އިސް ފަރާތްތަކުން އެމްޑީޕީއަށް ޖެއްސުންކޮށް ކުރަމުންދާ މަސައްކަތް ފާހަގަކޮށްފައެވެ. އަދި އެކަންބޮޑުވުން އޭނާ ގެންދަވަނީ މަޖިލީހުގައިވެސް ފާޅު ކުރަައްވަމުންނެވެ.
