މި މަހުގެ 6 ވަނަ ދުވަހު މަރުވި އިންޑިއާގެ މަޝްހޫރު ލަވަކިއުންތެރިއާ ލަތާ މަންގޭޝްކަރުގެ ހަދާންތައް ގިނަ ބަޔަކު ގެންދަނީ އާކުރަމުންނެވެ.

'ރަންއަޑުގެ ވެރިޔާ’ގެ ނަމުގައި އާންމުންގެ ހިތްތަކުން ޖާގަ ހޯދާފައިވާ ލަވަކިއުންތެރިޔާ ދުނިޔެއާ އަލްވަދާއު ކިއުމުން ގިނަ ލަވަކިއުންތެރިންވަނީ ލަތާގެ ލަވަތައް ކިޔައި އެނާ މަތިން ހަދާން އާކޮށްފައެވެ.

އެގޮތުން ރާއްޖޭގެ ހުނަރުވެރި ލަވަކިއުންތެރިޔާ އާމިނަތު ޝާނީ ވަނީ ލަތާގެ ހަދާންތަށް އާކޮށް ޓްރިބިއުޓެއް ދީފައެވެ.

A lil tribute to late Lata Mangeshkar
She will live in our hearts forever ❤️ pic.twitter.com/XMmDs4dX19

— Shani (@shani1i) February 7, 2022

ލަތާ މަރުވެފައިވަނީ މަހެއްހާ ދުވަހު ހޮސްޕިޓަލުގައި އެޑްމިޓްކޮށް ކޯވިޑް ބައްޔާއި ނިއުމޯނިއާއަށް ފަރުވާ ދެމުން ދަނިކޮށް މިދިޔަ އާދިއްތަ ދުވަހުއެވެ. އޭނާ މަރުވެފައިވަނީ ހަށިގަނޑުގެ ގިނަ ގުނަވަންތަކެއް ފެއިލް ވުމުގެ ސަބަބުން ކަމަށް ޑޮކްޓަރުން ބުނެއެވެ.

ލަތާގެ ޖަނާޒާ ބާއްވާފައިވަނީ 'ޝިވާޖީ ޕާކް' ގައެވެ. މި ޖަނާޒާގައި ގިނަ އަދަދެއްގެ ބަޔަކު ވަނީ ބައިވެރިވެފައެވެ. އެގޮތުން ބޮލީވުޑްގެ ގިނަ އަދަދެއްގެ ފަންނާނުންގެ އިތުރުން އިނޑިއާގެ ބޮޑުވަޒީރު ނަރެންދުރަ މޯދީވެސް ބައިވެރިވެވަޑައިގެންނެވިއެވެ.