’ރަން އަޑުގެ ވެރިޔާ" ލަތާ މަންގޭޝްކަރު މަރުވުމާއި ގުޅިގެން އިންޑިއާ ސަރުކާރު ދެ ދުވަހަށް ބަންދު ކުށްފިއެވެ.
އާދީއްތަ ދުވަހު ލަތާ މަރުވެފައިވާ އިރު، އޭނާ ބަލިވެގެން ހޮސްޕިޓަލުގައި އެޑްމިޓް ކުރީ މިދިއަ މަހުގެ 8 ވަނަދުވަހުއެވެ. ފަރުވާ ކުރަމުން ދިއައީ ކޯވިޑް ބައްޔާއި ނިއުމޯނިއާ އަށެވެ. މަހެއް ހާ ދުވަހު ބްރީޗް ކެންޑީ ހޮސްޕިޓަލްގެ އައިސީޔޫގައި އޭނާއަށް ފަރުވާ ދީފައިވަނީ ވެންޓިލޭޓަރުގައެވެ.
92 އަހަރުގައި ލަތާ މަރުވީ ހަށިގަނޑުގެ ގިނަ އޯގަން ތަކެއް ފެއިލް ވުމުން ކަމަށް ޑޮކްޓަރުން ބުނެއެވެ.
ލަތާގެ ޖަނާޒާ ބާއްވާފައިވަނީ އާދީއްތަ ދުވަހު ޝިވާޖީ ޕާކްގައެވެ. މި ޖަނާޒާގައި ވަނީ ގިނަ އަދަދެއްގެ ބަޔަކު ބައިވެރި ވެފައެވެ. އެގޮތުން މުޅި ބޮލީވުޑް ކަހަލަ ގޮތަކަށް ވަނީ ބައިވެރިވެފައެވެ. އަދި އިންޑިއާގެ ބޮޑުވަޒީރު ނަރެންދުރަ މޯދީ އާއި ސަރުކާރުގެ އިސްވެރިންވެސް ވަނީ ބައިވެރި ވެފައެވެ.
ލަތާ މަރުވުމުގެ ހިތާމާގައި އިންޑިއާ ސަރުކާރު ވަނީ ދެ ދުވަހަށް ބަންދުކޮށް، އެ ގައުމުގެ ދިދަ ބައިދަނޑިއަށް ތިރިކޮށްފައެވެ.
Paid my last respects to Lata Didi in Mumbai. pic.twitter.com/3oKNLaMySB
— Narendra Modi (@narendramodi) February 6, 2022
ލަތާ ވަނީ ހާހަކަށްވުރެ ގިނަ ފިލްމަށް ލަވަ ކިޔައިދީފައެވެ. އަދި ގިނަ އަދަދެއްގެ ޝަރަފުވެރި އެވޯޑުތަކެއް ލިބިފައިވާ ލަތާ ވަނީ އިންޑިއާގެ 36 ބަހުރުވައަކުން ލަވަ ކިޔާފައެވެ.
