ނިމިދިޔަ ކޮމަންޑޫ ދާއިރާގެ ބައި-އިލެކްޝަނުގެ ނަތީޖާއިން ކުރިއަށް އޮތް ރިޔާސީ އިންތިޚާބް، ކާމިޔާބު ކުރެވޭނެކަމުގެ ކަށަވަރުކަން ލިބިފައިވާކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
ކޮމަންޑޫ ދާއިރާގެ އިންތިހާބުގެ ވަގުތީ ނަތީޖާ ދައްކާ ގޮތުން އެމްޑީޕީގެ ކެންޑިޑޭޓް ވަނީ ގޮނޑި ކަށަވަރު ކުރައްވާފައެވެ. 1،401 ވޯޓް ހޯއްދަވައިގެންނެވެ. ޕީޕީއެމްގެ ކެންޑިޑޭޓަށް ލިބިފައިވަނީ 1،161 ވޯޓެވެ. ދެ ކެޑިޑޭޓުންގެ މެދުގައި 240 ވޯޓްގެ ތަފާތު ހުއްޓެވެ. އެމްއެންޕީގެ ކެންޑިޑޭޓަށް ލިބުނީ 323 ވޯޓެވެ.
އިންތިޚާބުގެ ނަތީޖާ އާއިގުޅިގެން ޕީއެންސީގެ ރައީސް އަބްދުއްރަހީމް ވިދާޅުވީ މިނަތީޖާއިން 2023ގެ ރިޔާސީ އިންތިޚާބު ކާމިޔާބު ކުރެވޭނެކަމުގެ ވަރަށް ބޮޑު އުންމީދެއް ލިބިގެން ގޮސްފައިވާކަމަށެވެ. މިއިންތިޚާބުގެ ނަތީޖާއަކީ ޕީޕީއެމްއަށް ލިބުނު ބޮޑު ކާމިޔާބީއެއްކަން ފާހަގަކޮށް އަދުރޭ ވިދާޅުވީ ދެން ނިކުންނާނީ މާބޮޑަށްވެސް ވަރުގަދަކޮށް ކަމަށެވެ.
ކޮމަންޑޫ ދާއިރާގެ ބައި-އިލެކްޝަނުން 2023 ގެ ރިޔާސީ އިންތިޚާބް، މާތް ރަސްކަލާންގެ ތަނަވަސް ރަޙުމަތްފުޅާއެކު ކާމިޔާބު ކުރެވޭނެކަމުގެ ކަށަވަރުކަން ލިބިއްޖެ. ވަރުބަލި ވުމެއްނެތް. ދެން ނުކުންނާނީ އަދި މާ ވަރުގަދަކޮށް. މަސައްކަތް ނިންމާނީ ރައީސް ޔާމީން 2023ގައި ވެރިކަމަށް ހޮވާފައި.
– އަދުރޭ ވިދާޅުވިއެވެ.
މިއިންތިޚާބުގެ ސަރުކާރު ހިންގާ އެމްޑީޕީން ކާމިޔާބުކޮށްފައިވަނީ 240 ވޯޓުގެ ތަފާތުންނެވެ. މިއިންތިޚާބަށް ސަރުކާރުންވަނީ 300 މިލިޔަން ރުފިޔާ ޚަރަދުކޮށްފައެވެ.
