ރައްޔިތުންގެ މަޖިލީހުގެ ލ.ގަމު ދާއިރާގެ މެމްބަރު މުޙައްމަދު ވިސާމް ކޯވިޑަށް ޕޮޒިޓިވް ވެއްޖެއެވެ.
ވިސާމް ކޯވިޑަށް ޕޮޒިޓިވްވެފައިވާކަން އޭނާ ވަނީ ހާމަކޮށްފައެވެ. އެނާ ކުރި ޓުވީޓުގައި ބުނެފައިވަނީ ކޯވިޑަށް ޕިޒިޓިވް ވުމާއި ގުޅިގެން ގޭގައި އެކަހެރި ވެފައިވާކަމަށެވެ. އަދި ޕޮޒިޓިވް ވުމާއި ގުޅިގެން އެޗްޕީއޭއިން ދީފައިވާ އިރުޝާދުތަކާއި އެއްގޮތަށް އަމަލު ކުރަމުންދާކަމަށެވެ.
މެމްބަރު ވިސާމް ކޯވިޑަށް ޕޮޒިޓިވްވެފައިވާއިރު، މީގެ ދެދުވަސް ކުރިން މަކުނުދޫ ދާއިރާގެ މެމްބަރު މުހައްމަދު ރާއީވެސް ވަނީ ކޯވިޑަށް ޕޮޒިޓިވްވެފައެވެ.
I have tested POSITIVE for #COVID19 . I have quarantined myself at home and taking all the necessary precautions. Praying for all those who tested positive for a fast recovery and for a healthier life. Mask at all times and take care.
— Mohamed Wisam (@mohamedwisaam) January 24, 2022
ރާއްޖޭގައި ހަލުވިކަމާއިއެކު ކޯވިޑް-19 ފެތުރެމުންދާއިރު، ބަލިން ރައްކާތެރިވުމަށް އެޗްޕީއޭއިން ދީފައިވާ އިރުޝާދުތަކުގެ އިތުރުުން، ހަރުކަށި ފިޔަވަޅުތަކެއް އަޅާފައިނުވެއެވެ. އެޗްޕީއޭއިން ބުނެފައިވަނީ މިބަލީގައި ފިޔަވަޅު އެޅުމުގެ ބަދަލުގައި ގެންގުޅޭ ވިސްނުމަކީ ބައްޔާއެކު އުޅެވޭނެ ގޮތެއް ހޯދުންކަމަށެވެ. ޚާއްސަކޮށް ސާފްތާހިރުކަމާއި، މާސްކު އެޅުމާއި، އަތްދޮވުމަށް ސަމާލުކަން ދިނުމަށް އެޗްޕީއޭއިން ވަނީ އިލްތިމާސްކޮށްފައެވެ.
ރާއްޖެއިން މިއަދުވެސް ވަނީ ރެކޯޑް އަދަދަކަށް މީހުން ޕޮޒިޓިވްވެފައެވެ. އޭގެ ތެރެއިން 52 މީހަކަށް ފަރުވާ ދެމުންދަނީ ހޮސްޕިޓަލުގައި އެޑްމިޓްކޮށްގެންކަން ފާހަގަކޮށްލެވެއެވެ.
ކޮމެންޓު ފޮނުވާ