ހަނގުރާމަވެރި ސަރަޙައްދެއްގައި ދިވެހި ރައްޔިތަކަށް އުފަންވާ ކުދިން ރަޖިސްޓްރީކުރުން ލާޒިމްކޮށް އުސޫލެއް ޑިޕާޓްމަންޓްމަންޓް އޮފް ނެޝަނަލް ރަޖިސްޓްރޭޝަން (ޑީއެންއާރު)އިން ޢާންމުކޮށްފިއެވެ.
ޑީއެންއާރުން ގެޒެޓްކުރި ހަނގުރާމަވެރި ސަރަޙައްދެއްގައި ދިވެހި ރައްޔިތަކަށް އުފަންވެފައިވާ ކުދިންގެ އުފަންވުން ރަޖިސްޓަރީކުރުމާބެހޭ އުސޫލުގައި ބަޔާންކޮށްފައިވަނީ އެފަދަ ތަނަކަށް އުފަންވާ ކުދިން ދިވެހިރާއްޖޭގައި ރަޖިސްޓަރ ކޮށްފައި ނުވާނަމަ، އެ ކުދިންގެ އުފަންވުން، ދިވެހިރާއްޖޭގައި ރަޖިސްޓަރ ކުރަންވާނެކަމަށެވެ.
އެފަދަ ކުދިން ރަޖިސްޓްރީކޮށްދެވޭނީ، ދަށުން ކުއްޖެއްގެ އުފަންވުން ރަޖިސްޓަރކޯށްދެވޭނީ، އެ ކުއްޖަކީ ދިވެހި ރައްޔިތަކަށް އުފަން ދަރިއަކު ކަމާމެދު ގޮތެއް ކަނޑައެޅުމަށް ޓަކައި، ކޯޓަށް މައްސަލަ ހުށަހަޅައި، އެ ކުއްޖެއްގެ އުފަންވުމާމެދު ކޯޓުން ގޮތެއް ކަނޑައެޅުމުންކަމަށް މި އުސޫލުގައި ބުނެފައިވެއެވެ. މިގޮތުން ކޯޓުން ނިންމާ ނިންމުން ލިބޭތާ ހަތަރު ދުވަހުގެ ތެރޭގައި އެ ކުއްޖާގެ ބެލެނިވެރިޔާ، ނުވަތަ ބެލެނިވެރިޔާގެ ޕަވަރ އޮފް އެޓަރނ އެއް މެދުވެރިކޮށް ކަނޑައަޅާ ފަރާތަކުން އެ ކުއްޖެއްގެ އުފަންވުން ރަޖިސްޓަރ ކުރުމަށާއި، އުފަންދުވަހުގެ ސެޓުފިކެޓު ހެދުމަށް، އެ ކުއްޖެއްގެ މަންމަ ނުވަތަ ބައްޕަ ރަށްވެހިވެފައިވާ ރަށެއްގެ ނުވަތަ ސިޓ އެއްގެ ކައުންސިލަށް ހުށަހަޅަންވާނެކަމަށްވެސް މި އުސޫލުގައިވެއެވެ.މިގޮތަށް ހުށައަޅާއިރު ކޯޓުން މައްސަލަ ނިންމިގޮތުގެ ރިޕޯޓްވެސް ހުށައަޅަންވާނެކަމަށް އުސޫލުގައި ވެއެވެ. އަދި ކޯޓުގެ ނިންމުމުގައި ބަޔާންކޮށްފައިވާ މަޢުލޫމާތުގެ މައްޗަށް ބިނާކޮށް، އެ ކުއްޖެއްގެ އުފަންވުން، އެ ކައުންސިލަކުން ރަޖިސްޓަރ ކޮށްދޭންވާނެކަމަށް ޑީއެންއާރުން ބުންޏެވެ.
ކުޖެއްގެ އުފަންވުން ރަޖިސްޓަރ ކުރުމަށްފަހު، ޑިޕާޓްމަންޓް އޮފް ނޭޝަނަލް ރަޖިސްޓްރޭޝަނަށް މަޢުލޫމާތު ދިނުމަށް "ގެމެން ޕޯޓަލް" މެދުވެރިކޮށް އެ މަޢުލޫމާތު ކައުންސިލުން ހުށަހަޅަންވާނެކަމަށާއި، އުފަންވުން ރަޖިސްޓަރ ކުރުމަށްފަހު، އެ ކުއްޖެއްގެ އުފަންދުވަހުގެ ސެޓުފިކެޓު، ޤާނޫނުގައި ބަޔާންކޮށްފައިވާ މުއްދަތުގެ ތެރޭގައި އެ ކައުންސިލުން ހަދައިދޭންވާނެކަމަށްވެސަ މި އައު އުސޫލުގައިވެއެވެ.
ބޭރު ޤައުމުތަކުގައި ހިނގާ ހަނގުރާމާގައި ބައެއް ދިވެހިން ބައިވެރިވެ، އެ ސަރަހައްދުތަކަށް ބައެއް ުދިން އުފަންވެފައިވާކަމަށް ކަމާބެހޭ ފަރާތްތަކުން ހާމަކޮށްފައިވެއެވެ. ނަމަވެސް ހަނގުރާމައަށް ދާ މީހުން ރާއްޖެ ގެނައުމުގެ މަސައްކަތް ކުރިނަމަވެސް، އެ ސަރަހައްދުތަކަށް އުފަންވާ ކުދިން ގެނައުމުގައި ބޮޑެތި ގޮންޖެހުންތަކެއް ހުންނަކަމަށްވެސް ކަމާބެހޭ ފަރާތްތަކުން ހާމަކުރެއެވެ. މިގޮތުން އެކުދިންގެ ޕާސްޓްޕޯޓް ހެއްދުންފަދަ ގޮންޖެހުންތައް ކަމާބެހޭ އިދާރާތަކުން ފާހަގަކުރެއެވެ.
ބޭރުގެ ޤައުމުތަކުގެ ދާޚިލީ ހަނގުރާމައިގައި ބައިވެރިވުމަށް ފަހު އެނބުރި ރާއްޖެ އަންނަ މީހުންނާއި، ގެނެވޭ މީހުން ބައިތިއްބާނެ ޚާއްސަ ސެންޓަރެއް ރާއްޖޭގައި މިހާރު ވަނީ ޤާއިމްކޮށްފައެވެ.
އަފްޣާނިސްތާނާއި ސީރިޔާގައި ހަނގުރާމަތަކުގައި ބައިވެރިވި ދިވެހި ދެ ފިރިހިނެކަށް ދަރިން ލިބިފައިވާ އަންހެނަކާއި އޭނާގެ ދަރިން ހާލުގައި ޖެހިފައިވަނިކޮށް އެމީހުން ރާއްޖެ ގެނައުމުގެ މަސައްކަތްވެސް ކަމާބެހޭ އިދާރާތަކުން ކޮށްފައިވެއެވެ.
