ދެ ބަތަލާއިން ކަމުގައިވާ ވިދްޔާ ބާލަން އާއި ޝެފާލީ ޝާހްގެ "ޖަލްސާ" އެމެޒަން ޕްރައިމް ވީޑީއޯއިން ޕްރިމިއާ ކުރަން ނިންމާފައިވާކަމަށް ފަހުގެ ރިޕޯޓްތައް ބުނެފިއެވެ.
ދެ ބަތަލާއިން ލީޑުން ފެނިގެންދާ މި ފިލްމު ޕްރިމިއާ ކުރާނެ ތާރިހު އިއުލާން ނުކުރިނަމަވެސް، އިންޑިއާގައި ކޯވިޑްގެ ހާލަތު މިހާރު ވަރަށް ބޮޑަށް ގޯސްވެފައި ވުމުން ތިއޭޓަރުތައް ވަނީ ބަންދުކޮށްފައެވެ. އަދި ބައެއް ބޮޑެތި ފިލްމު ތަކުގެ ޝޫޓިންގ ވެސް ވަނީ މެދުކަނޑާލައިފައެވެ.
ކޯވިޑްގެ ސަބަބުން މީގެ ކުރިންވެސް ގިނަ ފިލްމު ތަކެއް ވަނީ ޑިޖިޓަލް ޕްލެޓްފޯމް ތަކުގައި ޕްރިމިއާ ކޮށްފައެވެ. އެގޮތުން ވިދްޔާގެ "ޝަކުންތަލާ ދޭވީ" އާއި "ޝޭރްނީ" ވެސް ޕްރިމިއާ ކުރީ އެމެޒަން ޕްރައިމް ގައި ޑިޖިޓަލްކޮށެވެ.
"ޖަލްސާ" އަކީ ސޯޝަލް ޑްރާމާއެކެވެ. މި ފިލްމުގައި ވިދްޔާ ޓީވީ ނިއުސް އެންކަރއެއްގެ ގޮތުގައި ފެނިގެން ދާއިރު ޝެފާލީ ފެނިގެން ދާނީ ވިދްޔާގެ މޭޑްގެ ގޮތުގައެވެ.
Beyond excited to reunite with #SureshTriveni and to team-up with the brilliant @ShefaliShah_ to create something special!
2022 mein #Jalsa hoga!#JalsaBegins Filming ????@TSeries @vikramix @Abundantia_Ent @ShikhaaSharma03 #BhushanKumar #KrishanKumar #PrajwalChandrashekar pic.twitter.com/Hp6zddYPzC— vidya balan (@vidya_balan) August 12, 2021
ފިލްމު ބެލުންތެރިންނާ ހަމައަށް އަންނާނެ ސީދާ ވަކި ތާރީހެއް ހާމަކޮށްފައި ނުވި ނަމަވެސް މިއަހަރުގެ މާރިޗު މަހު މި ފިލްމު އެމެޒަން އިން ފެންނާނެ ކަމަށް ރިޕޯޓްތައް ބުނެއެވެ.
ވިދްޔާ ބޮޑަށް ފާހަގަ ވެގެން ގޮސްފައިވަނީ އަންހެނުން ބާރުވެރި ކުރުވާ ފަދަ ރޯލުތަކުންނެވެ.
