ކުރީގެ މަޝްހޫރު ބޭންޑް "ވަން ޑައިރެކްޝަން"ގެ އެއް މެމްބަރު ޒޭން މަލިކް، މަސް ދުވަހުގެ މެދުކެނޑުމަކަށް ފަހު އަލުން ސޯޝަލް މީޑިއާއަށް އައީ ބޮޑުބަދަލަކާ އެކުގައެވެ.
ޒޭންގެ ސިފައަށް ވަރަށް ބޮޑު ބަދަލެއް އައިސްފައިވާ ފޮޓޯއެއް އޭނާ ވަނީ ޝެއާ ކޮށްފައެވެ. މި ފޮޓޯގައި އޭނާ ފެނިގެން ގޮސްފައިވަނީ ވަރުދަ ތުނބުޅިއަކާ އެކުގައެވެ.
މި ފޮޓޯގައި ޒޭން ހުރި ގޮތުން ގިނަބަޔަކު ވަނީ އެއީ ޒޭން ތޯ ސުވާލުވެސް ކޮށްފައެވެ. އަދި އޭނާ އާއި "ކަބީރް ސިންގް" އާ އަޅާކިޔާފައިވެސް ވެއެވެ. "ކަބީރް ސިންގް" އަކީ ޝާހިދު ކަޕޫރު ކުޅުނު ފިމެއްގައި އޭނާގެ ކެރެކްޓަރ އެކެވެ. އެ ފިލްމްގައި ޝާހިދު ވެސް ފެނިގެން ދަނީ ބިޔަ ތުނބުޅިއަކާ އެކުގައެވެ.
View this post on Instagram
މިމަހުގެ 12 ވަނަ ދުވަހު 29 އަހަރު ފުރުނު ޒޭން އަކީ އަބަދުވެސް ތަފާތު ލުކްތައް ތަޖުރިބާ ކުރާ ތަރިއެކެވެ. އަބަދުވެސް ތަފާތު ސްޓައިލް ތަކަށް ލޯބިކުރާ ޒޭން އާއި އޭނާގެ ކުރީގެ ލޯބިވެރިޔާ އަދި ދަރިފުޅުގެ މަންމަ މަޝްހޫރު މޮޑެލް ޖިޖީ ހަދީދްގެ މަންމައާ ދެމެދު ހިނގި ކޯޅުންގަނޑަަށް ފަހު ދުވަސްތަކެއް ވަންދެން ސޯޝަލް މީޑިޔާއާ ދުރުގައި ހުރި ނަމަވެސް އެނބުރި އައީ ފޭނުން ހައިރާން ކޮއްލާފަދަ ލުކެއްގައެވެ.
ޖީޖީ ގެ މަންމަ ޔޮލަންޑާއާ ޖެހުނު މައްސަލަ ގަނޑުގެ ތެރެއިން މިހާރު ވަނީ ޒޭން އާއި ޖީޖީގެ ގުޅުން ވެސް ކެނޑިފައެވެ. ޒޭން އާއި ޖިޖީއަށް ލިބުނު ދަރިފުޅަކީ މިހާރު އެއް އަހަރު ފުރިފައިވާ ކާއީ ހަދީދް މަލިކެވެ.
