ށ.ކޮމަންޑޫގައި ފުރަތަމަ ފަހަރަށް ފުޓުބޯޅަ ދަނޑެއް އެޅުމުގެ ޢަމަލީ މަސަކަތް ފަށައިފިއެވެ.
މިމަޝްރޫޢު އިފްތިތާޙް ކޮށްދެއްވީ މިނިސްޓަރ އޮފް ޔޫތް، ސްޕޯޓްސް، އެންޑް ކޮމިއުނިޓީ އެމްޕަވަރމަންޓް އަޙުމަދު މަޙުލޫފެވެ. މި ރަސްމިއްޔާތުގައި، ކޮމަންޑޫ ކައުންސިލްގެ ރައީސް މުޙައްމަދު ސިނާންއާއި، އެމްޓީސީސީގެ ޗީފް އެގްޒެކެޓިވް އޮފިސަރ އާދަމް އާޒިމްއާއި ޔ ތް މިނިސްޓްރީއާއި އެމްޓީސީސީގެ އިސްވެރިން ބައިވެރިވެވަޑައިގެންނެވިއެވެ.
His Exellency @AhmedMahloof, Minister of Youth, Sports and Community Empowerment has inauguarated Sh. Komandoo Football Ground Project today.This project will be undertaken as a Corporate Social Responsibility Initiative of MTCC.#CSRInitiatives #RayyithungeKunfuni pic.twitter.com/KcP3K5muo1
— MTCC Plc (@MTCCPlc) January 14, 2022
މި މަސައްކަތުގައި ހިމެނެނީ، ށ. ކޮމަންޑ ފުޓްބޯޅަ ދަނޑުގެ ސަބްބޭސް އެޅުމާއި ޓާރފް އެޅުމުގެ މަސައްކަތެވެ. މިއީ ކުންފުނީގެ އިޖްތިމާޢީ ޒިންމާގެ ދަށުން ކުރަން ހަމަޖެހިފައިވާ މަސައްކަތެކެވެ. މުޖުތަމަޢުގެ ކަންކަމަށް ޙިއްޞާކުރުމުގެ ރޫހަކީ އެމްޓީސީސީ އުފެދުނީއްސުރެ ސަޤާފަތުގައި ހިމެނޭކަމެކެވެ.
އެމްޓީސީސީ ހަޔާތުގައި ވޭތުވެދިޔަ އަހަރުތަކުގައި، ތަފާތު ރޮނގުރޮނގުން އިޖްތިމާޢީ ޒިންމާ އަދާކޮށްދީފައިވާނެއެވެ. އެމްޓީސީސީގެ އަމާޒަކީ ކުންފުނިން ކުރިއަށްގެންދިޔަ އެހެނިހެން މަޝްރޫޢުތަކެކޭ އެއްފަދައިން މިއަދު އަމަލީ މަސައްކަތް އިފްތިތާޙް ކުރެވުނު މަޝްރޫޢުވެސް ކާމިޔާބު ކަމާއެކު ނިންމާލައި ސަރުކާރާ ވީއެންމެ އަވަސް ފުރުސަތެއްގެ ތެރޭގައި ހަވާލުކުރުންކަމަށް އެކުންފުނިން ވަނީ ބުނެފައެވެ.
