ގދ. ތިނަދޫ އިންޑަސްޓްރިއަލް ޒޯނަށް ބޭނުންވާ ބިން ހިއްކުމާއި ޝޯ ޕްރޮޓެކްޝަންގެ މަސައްކަތް އެމްޓީސީސީއާ ހަވާލުކޮށްފިއެވެ.
ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައި އެއްބަސްވުމުގައި އެމްޓީސީސީގެ ފަރާތުން ސޮއި ކުރެއްވީ ޗީފް އެގްޒެކެޓިވް އޮފިސަރު އާދަމް އާޒިމްއެވެ. ޕްލޭނިން މިނިސްޓްރީގެ ފަރާތުން ސޮއިކުރެއްވީ ޑިރެކްޓާ ޖެނެރަލް އަހްމަދު ތޮލްހަތުއެވެ.
ގދ.ތިނަދޫ އިންޑަސްޓްރިއަލް ޒޯނަށް ބޭނުންވާ ބިން ހިއްކުމާއި ޝޯ ޕްރޮޓެކްޝަންގެ މަސައްކަތް އެމްޓީސީސީ އާ ޙަވާލު ކޮށްފި.
125،222،284.38 ރުފިޔާއަށް މި މަޝްރޫޢު ކުރިއަށް ގެންދިއުމަށް ހަވާލު ކޮށްފައިވަނީ 660 ދުވަހުގެ ތެރޭ ނިންމުމަށް. pic.twitter.com/pD0a8mnA68
— Min.of National Planning, Housing & Infrastructure (@MoNPHImv) January 9, 2022
މި މަޝްރޫއުގެ ދަށުން ތިނަދޫގައި 219،595 އަކަމީޓަރުގެ ބިން ހިއްކުމާއި ތިނަދޫގެ ހުޅަނގު ދެކުނު ފަރާތުގައި 1،336 މީޓަރުގައި ރިވެޓްމަންޓް ޖެހުމަށް ނިންމާފައިވެ އެވެ. އަދި 284 މީޓަރުގައި އެއްގަމު ތޮށި ޖެހުމާއި ކޮންކްރީޓް ބްރިޖެއް އެޅުމަށް ވެސް ހަމަޖެހިފައިވެ އެވެ.
ތިނަދޫ އިންޑަސްޓްރިއަލް ޒޯނަށް ބޭނުންވާ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަސައްކަތް އެމްޓީސީސީއާއި ހަވާލުކުރީ 660 ދުވަހުގެ ތެރޭގައި ނިންމުމަށެވެ. މިސައްކަތަކީ 125.2 މިލިއަން ރުފިޔާގެ މަޝްރޫއުކެވެ.
ކޮމެންޓު ފޮނުވާ