ސައުދީ އަރަބިއާގައި ހުންނެވި އެންމެ ސީނިއަރ ދީނީ އިލްމުވެރިޔާ، ސިއްޙީ އާލާސްކަންފުޅެއްގައި އުޅުއްވުމަށްފަހު އަވަހާރަވެއްޖެ ކަމުގައި އޭނާގެ އާއިލާއިން ހާމަ ކޮށްފައެވެ. އެހެންނަމަވެސް އޭނާ ހަގުރާމަ ކުރަމުން ދިޔައީ ސިއްޙީ ކޮން އާލާސްކަންފުޅާކާ ކަމެއް އާއިލާއިން ހާމަ ކޮށްފައެއް ނުވެއެވެ.
ޝެއިޚް ސާލިހު ބިން މުހައްމަދު އަލްލުކައިން ނިޔާވިއިރު އުމުރުފުޅަކީ 90 އަހަރެވެ.
ޝައިޚް ސާލިހު އަހާރަ ވުމާއި ގުޅިގެން ސޯޝަލް މީޑިއާގެ ވަސީލަތްތައް ބޭކޮންގެން ހޭޝް ޓެގަކާއެކީ އޭނާގެ ބަން ބޭނުން ކޮށްގެން ގިނަބަޔަކު ވަނީ ހިތާމަ ފާޅު ކޮށްފައެވެ.
ޝެއިޚް ސާލިހުވަނީ، ސައުދީ އަރަބިއާގެ ޖުޑިޝަރީގެ އެންމެ އިސްވެރިޔާގެ މަގާމު 2009 އާއި ހަމައަށް 20 އަހަރަށްވުރެ ގިނަ ދުވަސް ވަންދެން އަދާ ކޮށްފައެވެ.
އަދި އޭނާއަކީ، ސައުދީ އަރަބިއާގެ ސީނިއަރ ދީނީ އިލްމުވެރިންގެ ކައުސިންލް، 1971ވަނަ އަހަރު އުފެދުނީއްސުރެ އެ ކައުންސިލްގައި ހިމެނިވަޑައިގަންނަވާ މުހިންމު މެމްބަރެއްވެސް މެއެވެ. މި ކައުންސިލަކީ، ސައުދީ ރަސްކަމުގެ އިސްލާމީ ކަންތައްތަކާބެހޭ އެންމެ މަތީ މަޖިލީހެވެ.
ޝެއިޚް ސާލިޙުވަނީ އެކި ފަހަރުމަތިން، މައްކާގައި ހުންނަ މާތްވެގެންވާ މަސްޖިދުލް ހަރަމްގައި ޚުތުބާވެސް ދެއްވާފައެވެ. ސައުދި އަރަބިއާގައި ދީނީ މެގަޒިންތައް ނެރުމުގެ ހުރިހާކަމެއްވެސް މިހާތަނަށް ބަހައްޓަމުން އައިސްފައިވަނީ އޭނާގެ ބެލުމުގެ ދަށުގައެވެ. އަދި އޭނާއަކީ، ސައުދީގައި ގާއިމްކުރެވިގައި އޮންނަ މުސްލިމް ވާރލްޑުގެ މެމްބަރެއްވެސް މެއެވެ.
ޝެއިޚް ސާލިހު އުފަންވެފައިވަނީ 1931 ވަނަ އަހަރުއެވެ.
