ބަންގްލަދޭޝްގެ ބޮޑުވަޒީރު ޝޭޚު ހަސީނާ ރާއްޖެއަށް ކުރައްވަމުން ގެންދަވާ ރަސްމީ ދަތުރުފުޅުގައި އެކަމަނާ މިއަދު މާލެ ވަޑައިގަތުމުން، ރައީސް ސާލިހު އެކަމަނާއާއި ރަސްމީކޮށް ބައްދަކުރައްވައިފިއެވެ.
ރަސްމީ ދަތުރުފުޅެއްގައި އިއްޔެ މާލެ ވަޑައިގަން ޝެއިކް ހަސީނާ މިއަދު މާލެވަޑައިގަތުމުން އިއްޒުއްދީން ފާލަމުން އޭނާއަށްް ރަސްމީކޮށް މަރުހަބާ ވިދާޅުވީ ރައީސް އިބްރާހީމް މުހައްމަދު ސޯލިހެވެ. މި ރަސްމިއްޔާތުގައި ވަޒީރުންނާއި ދައުލަތުގެ ބައެއް އިސް އެހެން ވެރިންވެސް ބައިވެރިވެވަޑައިގަތެވެ.
ޝޭޚު ހަސީނާއަށް މަރުހަބާ ދެންނެވުމަށް މިއަދު ބޭއްވުނު ރަސްމިއްޔާތުގައި އެކަނާގެ ޝަރަފުގައި ވަނީ 21 ބަޑީގެ ސަލާމެއް އެރުވިފައެވެ. އަދި އެއްފަހު ބަންގްލަދޭޝާއި ރާއްޖޭގެ ގައުމީ ސަލާމް އެމްއެންޑީއެފްގެ ބޭންޑުން، ކުޅުނެވެ. އަދި ދިވެހި އަސްކަރިއްޔާގެ ގާރޑް އޮފް އޮނަރއެއްވެސް އެކަމަނާގެ ޝަރަފުގައިވަނީ އަރުވާފައެވެ.
ޝެއިޚް ހަސީނާ ރާއްޖެއަށް ކުރައްވާ މި ދަތުރުފުޅުގައި މުހިންމު 4 އެއްބަސްވުމެއްގައި ސޮއި ކުރެއްވުމަށްވަނީ ހަމަޖެހިފައެވެ. މީގެތެރޭގައި ބުރާސްފަތިދުވަހު ސޮއިކުރެއްވުމަށް ހަމަޖެހިފައިވާ 2 މެމޮރެންޑަމް އޮފް އަންޑަސްޓޭންޑިންގ އެއް ހިމެނެއެވެ.
މިގޮތުން، މިދަތުރުފުޅުގައި ސޮއިކުރެއްވުމަށް ހަމަޖެހިފައިވާ 4 އެއްބަސްވުމަކީ:
- ޑަބަލް ޓެކްސޭޝަން ހުއްޓުމަކަށް ގެނައުމާއި، ޓެކްސްއާއި އާމްދަނީއާއި ގުޅުންހުރި ވަގު ވިޔަފާރި ހުއްޓުމަކަށް ގެނައުމާގުޅޭ އެއްބަސްވުން
- ގައިދީން ބަދަލުކުރުމާބެހޭ އެއްބަސްވުން
- ސިއްޙީ އެހީތެރިކަމާއި މެޑިކަލް ސައިންސްގެ ރޮގުން އެހީތެރިކަން ފޯރުކޮށް ދިނުމާއި ގުޅޭ މެމޮރެންޑަމް އޮފް އަންޑަރސްޓޭންޑިންގ (އާކުރާ އެއްބަސްވުމެއް)
- ކުޅިވަރާއި ޒުވާނުންގެ ތަރައްގީއާއި ގުޅުންހުރި ކަންކަން ކުރިއެރުވުމަށް ދެގައުމުގެ ދެމެދުގައި ސޮއިކުރާ މެމޮރެންޑަންމް އޮފް އަންޑަރސްޓޭންޑިންގ
އަދި މީގެ އިތުރުން، މަތީ ފެންންވަރުގެ ހެލްތު ޕްރޮފެޝަނަލުން ރެކްރޫޓު ކުރުމުގެ ގޮތުން ދެގައުމުގެ ދެމެދުގައި މިހާރުވެސް އަމަލް ކުރެވެމުންދާ މެމޮރެންޑަމް އޮފް އަންޑަރސްޓޭންޑިންގވެސް ޝެއިޚް ހަސީނާގެ މިދަތުރުފުޅުގައި އަލުން އާކުރުމަށްވެސް ވަނީ ހަމަޖެހިފައެވެ.
ބަންގލަދޭޝްގެ ބޮޑުވަޒީރު ޝެއިޚް ހަސީނާގެ މިދަތުރުފުގެ އެންމެ ޚާއްސަ ބައެއްގެ ގޮތުގައި ފާހަގަވެގެން ދާނީ، ދެގައުމުގެ ދެމެދުގައި އޮންނަ ޒަމާންވީ އެކުވެރި ގުޅުމުގެ ރަމްޒެއްގެ ގޮތުން، ބަންލާދޭޝްއިން ރާއްޖެއަށް ހަދިޔާކުރާ އަސްކަރީ 13 އުޅަދު ރައްޖެއަށް ހަދިޔާކުރުމުވެ.
ދަގައުމުގެ ދެމެދުގައި ސޮއިކުރެވޭ އެއްބަސްވުން ތަކަށްފަހު ރައީސުލްޖުމްހޫރިއްޔާ އިބުރާހިމް މުހައްމަދު ސާލިހާއި ޝޭއިޚް ހަސީނާއާއި ދެބޭފުޅުން އެކީ ނޫސްވެރިންނާއި ބައްދަލު ކުރައްވާނެއެވެ. އަދި އެއަށްފަހު މިއަދުގެ މެންދުރު ފަހުގެ ވަގުތެއްގައި ޝެއިޚް ހަސީނާ ރައްޔިތުންގެ މަޖިލިހުގައި ތަގްރީރުކުރައްވާނެއެވެ.
ޝައިޚް ހަސީނާގެ މި ދަތުރުފުޅުގައި، އުއްތަމަ ފަނޑިޔާރާއި، ރައްޔިތުންގެ މަޖިލިހުގެ ރައީސްގެ އިތުރުން ނާއިބު ރައީސްވެސް އެކަމަނާގެ އަރިހަށް އިހުތިރާމްގެ ޒިޔާރަތެއް ކުރައްވާނައެވެ.
