ރާޖިސްތާންގައި މި މަހުގެ 9 ވަނަ ދުވަހު ކައިވެނި ކުރި ބޮލީވުޑްގެ ތަރި ކެޓްރީނާ ކައިފް ފިރިމީހާ ވިކީއަށް ފުރަތަމަ ކެއުމަކަށް ހަލުވާ ތައްޔާރު ކޮށްދީފިއެވެ.
ބޮލީވުޑްގެ ދެ ތަރިން ކަމުގައިވާ ކެޓްރީނާ ކައިފް އާއި ވިކީ ކޯޝަލް ކައިވެނި ކޮށްފައިވަނީ އިންޑިއާގެ އާދަކާދަ ތަކާއި އެއްގޮތްވާ ގޮތުގެ މަތިންނެވެ. މީގެ އިތުރުން ހުކުރު ދުވަހު ކެޓްރީނާ ހިންދޫއިންގެ އާދަކާދައިގެ ތެރޭގައި ކުރަމުން އަންނަ ކަމެއް ކަމުގައިވާ ފޮނި ކާއެއްޗެއް އަމިއްލައަށް ތައްޔާރުކޮށް ފިރިމީހާއަށް ދީފައިވެއެވެ.
ކެޓްރީނާ ވަނީ އޭނާގެ އިސްޓަގްރާމްގައި އޭނާ ކައްކާފައިވާ ހަލުވާގެ ފޮޓޯއެއް އާންމު ކޮށްފައެވެ. ހަމަ އެހެންމެ ވިކީ ވެސް ވަނީ އެ ހަލުވާގެ ފޮޓޯއެއް އިންސްޓަގްރާމްގައި އާންމުކޮށް އެ ކެއުމަށް ތައުރީފް ކޮށްފައެވެ. އޭނާ ބުނެފައިވަނީ އެއީ މިހާތަނަށް ކެއި އެންމެ މީރު ހަލުވާ ކަމަށެވެ.
ކެޓްރީނާ އާއި ވިކީ ކައިވެންޏަށް ފަހު ރާއްޖެއަށް ހަނީމޫނަށް އައިސްފައިވާ ކަމަށް އިންޑިއާގެ މީޑިއާތަކުން ވަނީ ރިޕޯޓްކޮށްފައެވެ.
