ވޭތުވެފިޔަ 48 ގަޑިއިރުގެ ތެރޭގައި ފުލުހުން 119 ކިލޯގެ މަސްތުވާތަކެތި އަތުލައި ގަނެފައިވާކަމަށް ކަމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ކަމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓުވީޓެއްގައި ވިދާޅުވީ މިދިޔަ އާދިއްތަ ދުވަހު ފުލުހުން ވަނީ 28 ޕެކެޓްގެ މަސްތުވާތަކެތި އަތުލައިގެންފައި ކަމަށެވެެ. އަދި އޭގެ ފަހުން ހިންގި އޮޕަރެޝަނެއްގައި އިތުރު 91 ޕެކެޓް މަސްތުވާތަކެތި އަތުލައިގެންފައިވާ ކަމަށެވެ.
އެނގިފައިވާ ގޮތުގައި ޑްރަގްސް އެތެރެކޮށްގެން އުޅެނީ މީގެ ކުރިން ވެސް ޑްރަގްސް އެތެރެކުރި ނެޓްވޯކެއްގެ ބައެކެވެ. އެ މީހުން މީގެ ކުރިން ގިނަ އަދަދެއްގެ ޑްރަގްސްއާ އެކު ހައްޔަރުކޮށް ދައުވާކުރި ނަމަވެސް ކުށް ސާބިތުނުވާ ކަމަށް ނިންމައި ކްރިމިނަލް ކޯޓުން ވަނީ ދޫކޮށްލައިފައެވެ.
Our teams have successfully recovered additional 91 packets of narcotic drugs that are suspected to be heroin after really good policing work during the last 48 hours. This makes it a total of 119 packets with the 28 packets seized on Sunday night. Estimated weight is 119 kgs. pic.twitter.com/oDOUxWre4w
— Mohamed Hameed (@M_Hameedh) December 14, 2021
ސީޕީ ވިދާޅުވާ މަސްތުވާތަކެތި ފުލުހުން އަތުލައިގަތީ މިދިޔަ އާދިއްތަ ދުވަހުގެ ރޭ ފުލުހުން ހިންގި އޮޕަރޭޝަނެއްގައި މާލޭގެ މަގުމަތިން ދުއްވާފައި ދިޔަ ޓެކްސީއެއް ހުއްޓުވުމަށްފަހުއެވެ. ޓެކްސީ ހުއްޓުވީ މާލޭގެ ބުރުޒުމަގު ޔެލޯ ބްރީޒް ފިހާރަ ކައިރިންނެވެ. އެރޭ އަތުލައިގައިންފައިވަނީ 28 ޕެކެޓާއި ދަބަހެކެވެ. އޭގެން ކޮންމެ ޕެކެޓެއްގައި ހުރީ އެއް ކިލޯ ކަމަށް އެނގިފައިވެއެވެ.
ފުލުހުން ގިނަ އަދަދެއްގެ މަސްތުވާތަކެތި އަތުލއި ގަންނަމުންދާއިރު މިކަމުގައި ޝާމިލުވާ ފަރާތްތަށް ހޯދައި ހައްޔަރު ކުރުމަކީ އެހާ ފަސޭހަ ކަމަކަށް ވަނީ ނުވެފައެވެ.
ކޮމެންޓު ފޮނުވާ