2018 ވަނަ އަހަރު ރާއްޖޭގައި ބޭއްވު ރިޔާސީ އިންތިޚާބުގެ ނަތީޖާއިން އޭރުގެ ރައީސް އަބްދުﷲ ޔާމީން ބަލިވީ ވޯޓު އޮޅުވާލައިގެންކަމަށް މިއަދާއި ހަމަޔަށްވެސް ދަނީ ތުހުމަތު ކުރަމުންނެވެ. އިންތިޚާބުގެ ނަތީޖާއާއިމެދު މިހާތަނަށް އެންމެ ބޮޑަށް ސުވާލު އުފައްދަމުން އައި އިދިކޮޅު ޕީޕީއެމްގެ ސަޕޯޓަރުންނާއި ލީޑަރޝިޕްގެ ބޭފުޅުންގެ ތުހުތަމުތަކަށް އިލެކްޝަންސް ކޮމިޝަންގެ އޭރުގެ ރައީސް އަހުމަދު ޝަރީފް މާބޮޑު ވާހަކަތަކެއް ދައްކަވާފައިނުވެއެވެ.
އޭގެ އެއްސަބަބަކީ އޭރު ކޮމިޝަންގެ ރައީސްގެ މަޤާމުގައި ހުރުމެވެ. މިހާތަނަށް އިންތިޚާބުގެ ނަތީޖާއާއި ގުޅޭގޮތުން 2018ގެ އިންތިޚާބުން ނާކާމިބުވި އޭރުގެ ރައީސް އަބްދުﷲ ޔާމީން ޝަރީފާއި ގުޅޭގޮތުން ނުދައްކަވާ ވާހަތަކެއް ރޭގައި ބޭއްވުނު ޖަލްސާގައި ވަނީ ދައްކަވަފައެވެ. ރައީސް ޔާމީން ވިދާޅުވީ ޝަރީފަކީ "ޚާއިނުންގެ ތެރެއިންވެސް އަރާ ހުންނެވި ޚާއިނެއްކަމަށެވެ." އިންތިޚާބު އޮޅުވި ގޮތާއި، އޮޅުވާލަން ޝަރީފް އަދާކުރި ދައުރު ވަރަށް ސާފުކޮށް އެގިވަޑައި ގަންނަވާ ކަމަށާއި، އެކަމުގައި ސާފު ހެކި އެބަހުރިކަމަށް ރައީސް ޔާމީން ވަނީ ވިދާޅުވެފައެވެ.
ރައީސް ޔާމީންގެ މިވާހަކަތަކީ ޝަރީފަށް އެއްގޮތަކަށްވެސް "ހަޖަމް" ކުރެވޭ ވަރުގެ ވާހަތަކަށް ނުވިއެވެ. ޝަރީފްގެ ވަގުތުތައް މިއަދު ބިޒީ ވެފައިވަނީ ރައީސް ޔާމީން ރޭ ދެއްކެވި ވާހަތަކަށް ރައްދު ދެއްވުމުގައެވެ. ޚާއްސަކޮށް ސުވާލުތަކެއް އުފައްދަވަމުންދިޔަ އިންތިޚާބެއް ބޭއްވި ކޮމިޝަންގެ ރައީސަކަށް ހުންނެވި ބޭފުޅަކު މިކަމަށް ޖަވާބު ދާރީވަމުދަނީ ވަރަށް ޒިންމާދާރުކަން ކުޑަ ގޮތަކަށް ކަމަށް ގިނަ ބަޔަކު ދަނީ ބުނަމުންނެވެ.
Ec in isthiufaa dhinee hithun misarukaarun mathee magaameh dheyne kamah, ekam mi sarukaaru ga thibi meehunnah ves egey thee kaaku kan, ehenve mi sarukaarun alhaaves nuli, mihaaru thiya huree baakee vefa, dhen jeheynee thihen baakee vefa hunnan
— ????????އަޙްމަދު ޢަބްދުލްވާޙިދު #Free Palestine ???????? (@AhmedAb76849062) December 11, 2021
ޝަރީފް ވިދާޅުވެފައިވަނީ "މާ ކޫލް ކަމެއްކަމަށް ހީކޮށް ތަންދޮރު ނުދަންނަ ޖާހިލެއްހެން ހިތައްއައިހައި އެއްޗެއް ކިޔުމަކީ ރައީސްކަން ކުރައްވާފައިވާ ބޭފުޅަކު ކުރަން މާރީތި ކަމެއްނޫން" ކަމަށެވެ. ޝަރީފްގެ މިޓުވީޓާއިއެކު އަނެއްކާވެސް "އީސީ ޝަރީފޫ" ނަމުން ޝަރީފަށް ގޮވާލާ ގޮވެލިފަތިވަނީ ބާރުވެފައެވެ. އަދި އަޑު މަޑުވެފައިވާ އިންތިޚާބުގެ ނަތީޖާ އޮޅުވާލާފައިވާކަމުގެ ވާހަތައް މިވަނީ ގަދަވެއެވެ. ޝަރީފުގެ ޓުވީޓުތަކަށް ރައްދު ދެއްވާ މީހުން ދަނީ އޭނާއަށް އެތަކެއް ސުވާލުތަކެއް ކުރިމަތި ކުރަމުންނެވެ.
ވޯޓު ގުނުން ފުރުސަތު ނުދީ ވޯޓުތައް އަންދާލީ ކީއްވެގެންތޯ. ފުލުހުންނަށްވެސް ނޭގި؟
– މީހަކު ޝަރީފާއި ސުވާލު ކުރިއެވެ.
Vote gunan furushathu Nudhee vote tha ahdhaalee keevegen tho.
Fuluhuna ves neygi..??— KEVIN (@kevincosna) December 11, 2021
ޝަރީފްގެ ވާހަތަކަށް އެތައް ބަޔަކު ދަނީ ރައްދު ދެމުންނެވެ. ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވީ ޝިޔާމް ވިދާޅުވީ ރައީސް ޔާމީންގެ ވާހަކަފުޅާއި ގުޅިގެން ޝަރީފް މިހާ ބޮޑަށް ކޯފާވެ، އިބާރާތް ހުންނެވި ގޮތުން އިންތިޚާބު ފޭރިގަނެފައިވާކަން ދިވެހި ރައްޔިތުންނަށް ކަށަވަރު ވެފައިވާކަމަށެވެ. މިކަމަކީ މިހާރުވެސް ތަހުގީގުކޮށް ބަލަންޖެހޭ މައްސަލައެއް ކަމަށް ޝިޔާމް ވިދާޅުވިއެވެ.
2018ގެ ރިޔާސީ އިންތިޚާބު ބޭއްވުނުއިރު އިލެކްޝަސް ކޮމިޝަންގެ ރައީސަކަށް ހުންނެވި ބޭފުޅަކު މި ޓޫވީޓު މިއިބާރާތުން ކުރެެއްވީމާ ރާވައިގެން އިންތިޚާބު ފޭރިގަނެފައި އޮތްކަން ޝައްކެތް ނެތްމިންވަރަށް ޔަގީންކޮށްދޭ. މިކަން ތަހުގީގް ކުރަންޖެހޭ.
– ޝިޔާމް ވިދާޅުވިއެވެ.
ނިމިދިޔަ ރިޔާސީ އިންތިޚާބުގައި އޮޅުވާލުންތަކެއް ހުރި ކަމަށްބުނެ ޕީޕީއެމްގެ ރިޔާސީ ކެނޑިޑޭޓް ރައީސް ޢަބްދުﷲ ޔާމީން ޢަބްދުލްޤައްޔޫމްގެ ފަރާތްޕުޅުން ހުށަހެޅުއްވި ދުސްތޫރީ މައްސަލަ ބެއްލެވުމަށްފަހު، އިންތިޚާބުގެ ނަތީޖާއަށް ބަދަލު އަންނަ ވަރުގެ އެއްވެސް ކަމެއް ހިނގާފައިނުވާ ކަމަށް ކަނޑައަޅައި އިންތިޚާބު ބާތިލް ނުކުރާ ގޮތަށް ސުޕްރީމް ކޯޓުން ވަނީ ކަނޑައަޅާފައެވެ. އަދި ފުލުހުންނާއި ސިފައިން މެދުވެރިކޮށް އިންތިޚާބުގައި ހިނގާފައިވާ ކަންކަން ތަޙްޤީގު ކޮށްދިނުމަށް މައްސަލަ ހުށަހެޅުއްވި ފަރާތުން އެދިފައިވީ ނަމަވެސް އެކަން އެގޮތަށް ތަޙްޤީގް ކޮށްދޭން ޖެހޭ އެއްވެސް ސަބަބެއް ނެތް ކަމަށް ސްޕްރީމް ކޯޓުންވަނީ އެރު ކަނޑައަޅާފައެވެ.
ރިޔާސީ އިންތިޚާބު ބޮޑު ތަފާތަކުން ކާމިޔާބުކޮށްފައިވަނީ އެމްޑީޕީގެ ރިޔާސީ ކެނޑިޑޭޓް އަދި އޭރުގެ ރައްޔިތުންގެ މަޖިލީހުގެ ހިންނަވަރު ދާއިރާގެ މެމްބަރު އިބްރާހީމް މުޙައްމަދު ޞާލިޙެވެ. ރަސްމީ ނަތީޖާ ދައްކާގޮތުން ޕީޕީއެމްގެ ރިޔާސީ ކެނޑިޑޭޓް ރައީސް ޢަބްދުﷲ ޔާމީން ޢަބްދުލްޤައްޔޫމަށް ލިބިވަޑައިގެންފައިވަނީ 96،052 ވޯޓެވެ. އަދި އެމްޑީޕީގެ ކެނޑިޑޭޓް އިބްރާހީމް މުޙައްމަދު ޞާލިޙަށް ލިބިވަޑައިގެންފައިވަނީ 134،705 ވޯޓެވެ.
އިންތިޚާބާއިމެދު މިއަދު ގިނަ ސުވާލުތަކެއް އުފައްދަމުންދާއިރު، އޭގެ މާބޮޑު ހަގީގަތެއް އަދާއި ހަމަޔަށްވެސް ނޭގެއެވެ. އިންތިޚާބަކީ ޞައްޚަ އިންތިޚާބެއްކަމަށް އިލެކްޝަސް ކޮމިޝަނުން ބުނަމުންދާއިރު، ރޭ ރައީސް ޔާމީން ދެއްކެވި ވާހަތަކާއި ގުޅިގެން އިންތިޚާބުގެ ނަތީޖާއާއިމެދު އިދިކޮޅު ފަރާތްތަކުން އުފައްދަމުންދިޔަ ސުވާލުތަކައް މިވަނީ އަނެއްކާވެސް އިތުރު ބަހުސްއަކަށް ގޮސްފައެވެ.
