ކޮތަރު ކޮށި ނަމުގައި ޕީޕީއެމްއިން ހުޅުމާލޭގައި ބޭއްވުމަށް މަސައްކަތް ކުރި ޖަލްސާ އެންމެ ފަހުން ކާނިވާ ސަރަހައްދަށް ބަދަލުކޮށް، މިޖަލްސާގައި ވާހަކަ ދައްކަވަމުން، އެމަނުކްފާނުގެ ވެރިކަމުގައި ކުއްލި ނުރައްކަލުގެ ހާލަތު އިއުލާން ކުރަންޖެހުނު ގޮތުގައި ހަގީގަތް ވިދާޅުވެ ދެއްވަމުން، އެ ހުކުމަށްފަހު، އިންޑިއާއިން ރާއްޖޭގެ ދާޚިލީ މައްސަލަތަކުގެ ތެރެއަސް ވަންނަ މަސައްކަތް ކޮށްފައިވާކަމަށް ރައީސް ޔާމިން ވިދާޅު ވެއްޖެއެވެ.
2018 ފެބްރުއަރީ މަހުން 1 ވަނަ ދުވަސް، ދިވެހިރާއްޖެއަށް ދިމާވި އެންމެ ބޮޑު ހަދުކޭތަ ހިފި ދުވަސް، އަޅުގަޑު ކުރިން ދަންނަވާ ކަމަށް ވަންޏާ އެއީ ޝާހީ ބަޢާވާތްފުޅެއް. ޖުޑީޝަރީތެރެއިން ގެނައި ބަޢާވާތްފުޅެއް. މިހާރު އެބާހަކަ ބައެއް ބޭފުޅުން އެބަ ދައްކަވާ، ސުޕްރީމް ކޯޓުން ޓިނު ނަގައިގެން ވަންނަން ޖެހުނު ވާހަކަ. އޭގެ ތަފްސީލުވެއް މިރޭ އަޅުގަޑު ދަންނަވާނަން.
– ރައީސް ޔާމިން ވިދާޅުވިއެވެ
ރައީސް ޔާމިން ވިދާޅުވި ގޮތުގައި 1 ފެބްރުއަރީގެ އަމުރު ސުޕްރިމް ކޯޓުން ނުކުރުން އަވައްޓެރި އެއްވެސް ގައުމަކަށް އެކަމުން ދައްޗެއް ނުވިކަމަށާއި، އުދަގުލެއް ނުވި ކަމަށެވެ.
ރައީސް ޔާމިން ވިދާޅުވި ގޮތުގައި ސުޕްރީމް ކޯޓިގެ ހުކުމް އައީ މިރާއްޖޭގައި ނަސްލެއް ނައްތާލަން މަސައްކަތް ކުރާތީ ނޫންކަމުގައެވެ. އަދި އެއްވެސް ގޮތަކަށް ބަޔަކަށް އަނިޔާ ކުރާތީކީވެސް ނޫން ކަމަށެވެ. އަދި ރާއްޖޭގައި ތަފާތު ނަސްލުތަކެއް އޮވެގެން އެއް ނަސްލެއްގެ ބަޔަކު ނައްތާކަން މަސައްކަތް ކުރީކީއެއް ނޫންކަމަށެވެ. އެހެންނަމަވެސް، އަވައްޓެރި ބައެއް ގައުމުތަކުގައި އެހާލަތު އޮތީ އެގޮތަށްތޯ ރައީސް ޔާމިން ސުވާލު ކުރެއްވިއެވެ. އަދި އެގައުމުގައި މަރުވެގެން އެދަނީ، ހަލާކުވެގެން އެދަނީ ކިތައް މީހުންތޯ ފުރާނަ ގެއްލިގެން އެދަނީ ކޮން ނަސލުތަކެއްގެ މީހުންތޯ ރައީސް ޔާމިން ސުވާލު އުފެއްދެވިއެވެ.
އެހެންކަމުން މިސަރަހައްދުގައި ރާއްޖެއާއި ދިމާލަށް އެއްޗެކޭ ބުނެވޭނެ ބައެއް ނެތްކަމުގައި ރައީސް ޔާމިން ވިދާޅުވިއެވެ. ސަބަބަކީ އެމީހުން އިންސާނީ ހައްގުތަކުގެ ރެކޯޑް ރާއްޖެއަށްވުރެ އެތައް ތަނަކުން ފަހަތުގައި އުޅޭތީ ކަމުގައި ރައީސް ޔާމިން ވިދާޅުވިއެވެ.
3 ސިޓީ އިންޑިއާގެ ޚާރިޖިއްޔާއިން، ޚާރިޖީ ވަޒީރު ސޮއިކޮށްފަ ރާއްޖެއަށް ފޮނުވި. ކޮންމެ ސިޓީއެއްގައި ބުނަނީ، އޭގަ ސޮއި ކުރައްވާފަ އޮތީ އޭރުގެ ޚާރިޖީ ވަޒީރު މެޑަމް ޝުޝްމާ، މިހާރު ނިޔާވެއްޖެ. ކޮންމެ ސިޓީއެއްގަ ބުނެފަ އޮންނަނީ ތިމަންނަ މެންނަކަށް ގަބޫލެއް ނުކުރެވެއޭ ސުޕްރިމްކޯޓުގެ ހުކުމް ތަންފީޒު ނުކޮށް ތިއުޅޭ ސަބަބެއް. އަޅުގަޑުމެން ސަފީރުން ފޮނުވިން އަވައްޓެރި ހުރިހާ ގައުމުތަކަށް. ވަޒީރުން ވަޑައިގެންނެވި. ސަފީރުންގެ ނަމުގައ ވަޑައިގެންނެވި އެކަން ކަން އޮޅުން ފިލުވައިދޭން.
ރައީސް ޔާމިން ވިދާޅުވި ގޮތުގައި ހުރިހާ ގައުމަކުން ސަފީރުންނަށް މަރުހަމާ ވިދާޅުވި ކަމަށާއި، އަދި ކަންކަން ހިގައިދިޔަ ގޮތް އޮޅުން ފިލުވައިދެއްވި ކަމަށެވެ.
މިގޮތުން އިންޑިއާއަސް ފޮނުއްވީ އޭރުގެ ޚާރިޖީ ވަޒީރު ޑރ. އާސިމް ކަމަށާއި، އެހެންނަމަވެސް އިންޑިއާ ބިޒީކަމުން އެއޮށްބޮޑު ގައުމުން ދިވަހިރާއްޖޭގެ ާޚރިޖީ ވަޒީރާއި ބައްދަލު ކުރާނެ މީހަކު ނުވިކަމުގައި ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި ސުޕްރިމް ކޯޓުގެ ހުކުމް ތަންފީޒު ކުރުމަށް ގޮވާލާ އިންޑިއާއިން ފޮނުވި 3 ސިޓީއިން ފުރަތަމަ ސިޓީއަށް ވަރަށް ޕޮލައިޓްކޮށް ޖަވާބު ދެއްވި ކަމަށެވެ. އެހެންމަވެސް ދުވަނަ ސިޓީއަށް ޖަވާބު ދޭން އުދަގޫވި ކަމަށާއި، 3 ވަނަ ސިޓީއަށް ޖަވާބު ދިނުމުގެ ބޭނުމެއް ނެތުމުން އެސިޓީއަށް ޖަވާބުވެސް ދީފައި ނުވާނެ ކަމަށެވެ.
ރައީސް ޔާމިންވަނީ، މި ދަރަޖައަށް ދިވެހިރާއްޖޭގެ ދާޚިލީ ކަންކަމަށް މިވަންނަމުންދަނީ ކީއްވެގެންތީ ސުވާލު އުފައްދަވާފައެވެ. އަދި މިދރަޖައަށް ރާއްޖޭގެ ކަންކަމުގެ ތެރެއަށް ވަންނަން ޖާގަ ދެއްވި ލީޑަރުން ކޮބައިތޯއާއި އަދި އެބޭފުޅުން މިއަދު ރައްޔިތުންނަށް ޖަވާބުދާރީ ނުވެގެން މިއުޅެނީ ކީއްވެތޯވެސް ސުވާލު ކުރައްވާފައެވެ.
އަދި މި ޖަލްސާގައިވެސް ރައީސް ޔާމިން ވަނީ، އިންޑިއާ އަސްކަރިއްޔާ ރާއްޖެއިން ފައިބައިގެން ދިއުމަށް ގޮވާލައްވާފައެވެ.
