އައްޑޫ ސިޓީގެ ހުޅުމީދޫއާއި ފޭދޫއާއި ދެމެދު ސައިކަލް ފެރީގެ ޚިދުމަތް އެމްޓީސީސީ ފަށައިފިއެވެ.
މިއަދު މި ތައާރަފް ކުރެވުނު ޚިދުމަތުގައި ބޭނުންކުރާ ސައިކަލް ފެރީގައި 15 ސައިކަލުގެ ޖާގައިގެ އިތުރުން 60 ފަސިންޖަރުން އުފުލޭނެއެވެ. އަދި ދިޔަވަރަށް އަންނަ ބަދަލުތަކާއިއެކުވެސް ސައިކަލްތައް ފެރީއަށް އެރުވުމަށްޓަކައި އެކަމަށް ހާއްޞަ ލިފްޓެއް ފޭދޫ އަދި ހުޅުމީދޫގައި ބެހެއްޓިފައި ހުންނާނެކަމަށް އެމްޓީސީސީން ބުނެފައިވެއެވެ.
ސައިކަލް ފެރީ ޚިދުމަތުގެ އަގަކީ ސައިކަލަކަށް 20 ރުފިޔާއެވެ. ކޮންމެ ހަފުތާއެއްގެ ހުކުރު ދުވަސް ފިޔަވާ ހުރިހާ ދުވަހެއްގައި ސައިކަލް ފެރީގެ ޚިދުމަތް ފޯރުކޮށްދެވޭނެކަމަށް އެކުންފުނިން ބުނެފައިވެއެވެ.
We have commenced cycle ferry service between S. Hulhumeedhoo and S. Feydhoo.
Link for schedule: https://t.co/MgcFCF214t#MTCCTransport #RayyithungeKunfuni pic.twitter.com/44xAu1rzGJ— MTCC Plc (@MTCCPlc) December 9, 2021
ދަތުރުފަތުރުގެ ޚިދުމަތް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން، އަޅުގަނޑުމެންގެ މަޤްޞަދަކީ ހެޔޮ އަގުގައި ފަސޭހަކަމާއެކު ބޭނުންކުރެވޭ، ކަނޑާއި އެއްގަމުގެ ދަތުރުފަތުރުގެ ޚިދުމަތެއް ރައްޔިތުންނަށް ފޯރުކޮށްދޭ ކުންފުންޏެއް ގޮތުގައި ދެމިތިބުންކަމަށް އެމްޓީސީސީން ވަނީ ބުނެފައެވެ.
ކޮމެންޓު ފޮނުވާ