މިއަހަރު ކައިވެނި ކުރި ބޮލީވުޑްގެ ތަރި ވަރުން ދަވަންގެ އަންހެނުން ނަތާޝާ ދަލާލް ވެބް ރިއަލިޓީ ޝޯއަކުން ބެލުންތެރިންނާ ބައްދަލު ކުރާގޮތަށް ހަމަޖެހިއްޖެއެވެ.
ބޮލީވުޑާ އެއްވެސް ގުޅުމެއް ނެތް ނަތާޝާ އާއި ވަރުން އަކީ ކުޑައިރުއްސުރެ ލޯބީގެ ގޮތުން ގުޅިގެން އުޅުނު ދެމީހުންނެވެ. ބުނެވޭ ގޮތުގައި ސުކޫލު ދައުރުން ފެށިގެން ފައްކާވަމުންއައި މި ދެމީހުންގެ ލޯބީގެ ގުޅުން ގިން ދުވަސްތަކަކަށްފަހު ކައިވެންޏަކަށް ބަދަލުކުރީއެވެ.
ބޮލީވުޑްގެ އެހެން ތަރިންނާ ހިލާފަށް ވަރުން އޭނާގެ އަމިއްލަ ދިރިއުޅުން އެއްވެސް ވަރަކަށް ސިއްރެއް ނުކުރެއެވެ. އަދި ނަތާޝާ އަކީ އޭނާގެ "ފޮރއެވާ ލަވް" ކަމުގައި އެއް ފަހަރަށް ވުރެ ގިނައިން ބުނެފައި އެބަހުއްޓެވެ.
View this post on Instagram
ނަތާޝާ އަކީ ފެޝަން ޑިޒައިނަރެކެވެ. އެގޮތުން އޭނާ ފެނިގެންދާ ރިއަލިޓީ ޝޯއަކީ ޑިސްކަވަރީ ޕްލަސް އިން ސްޓްރީމްކުރަން ހަމަޖެހިފައިވާ "ސޭ ޔެސް ޓު ދަ ޑްރެސް އިންޑިއާ" އެވެ.
ކައިވެނީގެ ހެދުންތަކަށް ހާއްސަ މި ޝޯއަކީ "ސޭ ޔެސް ޓު ދަ ޑްރެސް" ގެ ނަމުގައި ގެނެސްދެމުން އަންނަ އެމެރިކާ ޝޯގެ އިންޑިއާ ވާޝަނެވެ.
"ނަތާޝާ ދަލާލް ލޭބަލް"ގެ ނަމުގައި ފެޝަން ބްރޭންޑެއްވެސް ގެންގުޅޭ ނަތާޝާގެ ވެޑިން ޑްރެސް ޑިޒައިން ތަކެއް މި ޝޯއިން ފެނިގެން ދާނެއެެވެ.
މި ޝޯވ ޕްރިމިއާ ކުރަން ހަމަޖެހިފައިވަނީ މިއަދުއެވެ.
