ދިވެހިން ތިބީ އިންޑިއާގެ އިސްތިއުމާރުގެ ދަށަކު ނޫންކަމަށް ވިދާޅުވެ ހޮޅިވާހަކަ ބާރަށް ނުދެއްކުމަށް ފޭދޫ ދާއިރާގެ ކުރީގެ މެންބަރު އަލްހާން ފަހުމީ ގޮވާލައްވައިފިއެވެ.
އަލްހާން މިކަމަށް ގޮޮވާލައްވާފައިމިވަނީ، ރާއްޖޭގައި ތިބި އިންޑިއާ އަސްކަރީ ސިފައިން ޖެހޭނީ ރާއްޖެއިން ފައިބަން ކަމުގައި ޕީޕީއެމްގެ ރައީސް އަދި އިދިކޮޅު ލީޑަރު ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެފައިވަނިކޮށެވެ.
އަލްހާން ވިދާޅުވީ، ޤައުމިއްޔްތާ މިނިވަންކަމާ ސިޔާދަތުގެ ނަމުގައި އިންޑިއާ ކަނޑުގައި ފިތުނަ ފަސާދަ އުފެއްދުން ހުއްޓާލުމަށް ރަސްމީކޮށް ގޮވާލައްވާކަމަށެވެ.
ަޤައުމިއްޔްތާ މިނިވަންކަމާ ސިޔާދަތުގެ ނަމުގައި އިންޑިއާ ކަނޑުގައި ފިތުނަ ފަސާދަ އުފެއްދުން ހުއްޓާލުމަށް ރަސްމީކޮށް “ ގޮވާލަން!
ދިވެހިން ތިބީ އިންޑިއާގެ އިސްތިއުމާރުގެ ދަށަކު ނޫން! އޮޅުވާލާ! ހޮޅިވާހަކަ ބާރަށް ނުދައްކަވާ!
— ???????????????????? ???????????????????? – ???????? (@AlhanFahmy) December 4, 2021
އަލްހާން މިހެން ވިދާޅުވެފައިވާއިރު، ރާއްޖޭގައި އިންޑިއާގެ ސިފައިން ތިބިކަމަށް ބުނެ އިދިކޮޅުން އަންނަނީ އިންޑިއާ ސިފައިން ބޭލުމަށް ޤައުމީ ހަރަކާތެއް ހިންގަމުންނެވެ.
ދާދިފަހުން ޕީޕީއެމްއިން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ރާއްޖޭގައި ތިބި އިންޑިއާ ސިފައިން މިޤައުމުން ބާލާނެކަމަށެވެ. އިންޑިއާ ސިފައިން ބޭލުމަށް މަސައްކަތް ކުރަމުންދަނީ ވަކި ފަރުދުންތަކެއް ނޫންކަމަށާއި، އެކަމަކީ ރައީސް ޔާމީންގެ އިސްނެންގެވުމުގެ މަތީން ޕީޕީއެމްއިން ކުރަމުންދާ މަސައްކަތެއް ކަމަށް ރައީސް ޔާމީން ވިދާޅުވިއެވެ.
އިންޑިއާގެ އަސްކަރީ ސިފައިން ޖެހޭނީ މިޤައުމުން ފައިބަން. އަޅުގަނޑު މިރޭ ރަސްމީކޮށް މި ދަންނަވަނީ، މިކަމަކީ އަޅުގަނޑު ދަންނަވައިގެން ޕީޕީއެމްއިން އިސްނަގައިގެން ކުރާ ކަމެކޭ. މިއީ އިންޑިޔާގެ ޓައުނެއްނޫޏް. ރައީސަކީ އިންޑިޔާގެ ގަވަރުނަރެއްނޫން.
– ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ އެމަނިކުފާނުގެ ވެރިކަމުގައި އިންޑިއާއާއިއެކު ވެފައިވާ އެއްވެސް އެއްބަސްވުމެއްގައި އިންޑިއާ ސިފައިން ރާއްޖޭގައި ބައިތިއްބައި، ހެލިކޮޕްޓަރު ދުއްވަން ތާއަބަދު މިތާ ބައިތިއްބަން އެއްބަސްވެފައި ނުވާނެކަމަށެވެ. މިއެއްބަސްވުންތަކުގެ ހަގީގަތް މިއަދު އޮޅުވާލައި އެކަން ކުރީ ސަރުކާރުގެ ބޮލުގައި އަޅުވަން އުޅުނަސް އެކަން ނުވާނެކަމަށާއި، އެއީ ދެފަރާތުން ވެފައިވާ ވަރަށް ސާފު ހަގީގަތް ހާމަވާ އެއްބަސްވުމެއްކަމަށެވެ.
މިއަދު ދިވެހި އަސްކަރިއްޔާއިން ޤައުމަށް ޚިދުމަތް ކުރުމުގައި ކުރަންޖެހޭ ހަމައެކަނި ހިދުމަކީ ސަރުކާރު ދިފާއުކުރުން ނޫންކަމަށް ރައީސް ޔާމީން ވިދާޅުވިއެވެ. ސިފައިންގެ މަސްއޫލިއްޔަތަކީ ދިވެހިންގެ މިނިވަންކަމާއި ސިޔާދަތާއި އިސްތިޤުލާލު ދެމެހެއްޓުން ކަމަށާއި، އެކަން ނުކުރެވޭނެނަމަ ސިފައިން ކޮށްގެން ތިއްބެވި ހުވައިގެން ބޭނުމެއް ނެތްކަމަށް ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ އިންޑިއާގެ ރައްޔިތުންނާއި ދިވެހި ރައްޔިތުންނާއި އޮތީ ގާތް ގުޅުމެއްކަމަށާއި، ނަމަވެސް ދިވެހި ރައްޔިތުންގެ ކަންބޮޑުވުމަކީ ރާއްޖޭގެ ސަރުކާރުން އަޑި ނޭގޭ ގޮތަށް އިންޑިއާއާއިއެކު ހަދަމުންދާ އެއްބަސްވުންތައް ކަމަށް ރައީސް ޔާމީން ވިދާޅުވިއެވެ. މިއަދު ދިވެހި ރައްޔިތުން މިކަމާއި ދެކޮޅު ހެއްދެވުމުން، މިކަމާއި ދެކޮޅަށް ނިކުންނަި ބޮޓުންކަމަށް ވިދާޅުވެ މަލާމާތް ކުރުމަކީ މިކަން ހުއްޓުވޭނެ ކަމެއް ނޫންކަމަށާއި، ރާއްޖޭގައި ތިބި އިންޑިއާ އަސްކަރިއްޔާ ޖެހޭނީ ފައިބަންކަމަށް ރައީސް ޔާމީން ވިދާޅުވިއެވެ.
