ކުރީގެ ރައީސް އަބްދުﷲ ޔާމީން ރާއްޖެއިން ބޭރަށް ފުރުން މަނާކޮށް ނެރެފައިވާ އަމުރަކީ ތާކުންތާކު ނުޖެހޭ ޢަމުރެއްކަމަށް ވިދާޅުވެ ޕީއެންސީގެ ރައީސް ޢަބްދުއްރަޙިމް ޢަބްދުﷲ (އަދުރޭ) ފާޑުވިދާޅުވެއްޖެއެވެ.
ރައީސް ޔާމީނަށް އިއްވާފައިވާ ޖަލުހުކުމުން މިނިވަންވެވަޑައިގަތުމުން އެމަނިކުފާނަށް މަރުޙަބާ ވިދާޅުވުމަށް ކާނިވާ ސަރަހައްދުގައި "މަރުހަބާ ރައީސް ޔާމީން" ނަމުގައި ބޭއްވި ޖަލްސާގައި ވާހަކަފުޅު ދައްކަވަމުން އަދުރޭ ވިދާޅުވީ ރައީސް ޔާމީން ޖަލު ހުކުމް ތަންފިޒްކުރައްވަމުން ގެންދެވި ދެ އަހަރު ދުވަހަކީ ފަސޭހަ ދެއަހަރު ނޫންކަމަށާއި، އެ ދެއަހަރަކީ ގިނަ ގޮންޖެހުންތަކާއި ހުރަސްތައް ކުރިމަތިވި ދެ އަހަރުކަމަށެވެ. އަދުރޭ ވިދާޅުވީ ޕީޕީއެމް ޕީއެންސީގެ ބަދަހި ލަޝްކަރު ބައިބައިކުރުމަށް ވަރަށް ގިނަ މަސައްކަތްކަތް ބަޔަކު ކުރިކަމަށާއި، ނަމަވެސް ރައީސް ޔާމީން ހަވާލުކުރެއްވި އަމާނާތް ތެދުވެރިކަމާއެކު އަދާކުރެވޭތޯ ބެއްލެވިކަމަށް ވިދާލުވި.

ރައީސް ޔާމީން މިނިވަންވެ ލިބުނު ކާމިޔާބަކީ ޢަބްދުއްރަހިމާއި، ޕާޓީގެ ލީޑާޝިޕްގެ މޮޅުކަމަުން ވީކަމެއްނޫންކަމަށާއި، އެއީ ރައީސް ޔާމީން ދެކެ ލޯބިވާ ދިވެހި ރައްޔިތުންގެ ލޯތްބާއި ހިތްވަރުގެ ސަބަބުން ލިބުނު ކާމިޔާބީއެއްކަމަށް އަދުރޭ ވިދާޅުވިއެވެ. އަދި އެކަމުގެ ސަބަބުން ރައީސް ޔާމީންގެ ލަފާފުޅައެއްގޮތަށް ކުރިއަށްދިއުމަށް ހިތްވަރު ލިބުނުކަމަށްވެސް އަދުރޭ ވިދާޅުވިއެވެ.

ރައީސް ޔާމީން ފުރުން މަނާކޮށް ނެރެފައިވާ އަމުރާއި ގުޅޭގޮތުން ވާހަކަފުޅު ދައްކަވަމުން އަދުރޭ ވިދާޅުވީ، ރައީސް ޔާމީންކަީ ސަރުކާރުން ހީކުރާފަދަ ލީޑަރެއް ނޫންކަމަށެވެ. ރައީސް ޔާމީނަކީ ސާބިތު ހިއްތަވަރުގަދަ ލީޑަރެއްކަމަށް އަދުރޭ ވިދާޅުވިއެވެ. އޭނާ ވިދާޅުވީ އެކި ސިފަސިފާގައި ރައީސް ޔާމީން ފުރުވާލުމަށް ސަރުކާރުން ކުރި މަސައްކަތް ހޯމް މިނިސްޓަރ އިމްރާން ޢަބްދުﷲއަށް އެނގިވަޑައިގަންނާވެނެކަމަށާއި އެމަނިކުފާނު ދެއްވި ޖަވާބުވެސް އެނގިވަޑައިގަންނާވެކަމަށެވެ. އަދުރޭ ވިދާޅުވީ ރައީސް ޔާމީން އަބަދުވެސް ވިދާޅުވަމުން ގެންދަވަނީ އެމަނިކުފާނު މި ރާއްޖެ ދޫކުރައްވާ ވަޑައިގަންނަވާނެ ތަނެއް ނޯންނާނެކަމަށްކަމަށެވެ. އެހެންކަމުން ރައީސް ޔާމީން ފުރުން މަނާކޮށް ނެރުނު އެ އަމުރަކީ ތާކުންތާކު ނުޖެހޭ ޢަމުރެއްކަމް އަދުރޭ ވިދާޅުވިއެވެ.

އަދުރޭ ވިދާޅުވީ ރައީސް ޔާމީން އެންމެ ފުރަތަމަ ދުވަހުވެސް ވިދާޅުވަމުން ގެންދެވީ އެމަނިކުފާނުގެ މައުސޫމްކަން ސާބިތތުކޮށްދެއްވާނެކެމަށާއި، އެމަނިކުފާނަކީ ފިއްލާވނެ ލީޑަރެއް ނޫންކަންކަމަށެވެ.

އަދުރޭ ވިދާޅުވީ، ރައީސް ޔާމީނަކީ އަބަދުވެސް މައުސޫމް ބޭފުޅެއްކަމަށާއި، އަބަދުވެސް އޮންނަ ޔަޤީންކަމަކީ ދައުލަތުގެ ފައިސާގައި އެމަނިކުފާނު ޖެހިވަޑައނުގަންނަވާނެކަންކަމަށެވެ. އަދި ރައީސް ޔާމީނަކީ ޤައުމަށް އިޚްލާސްތެރިވާނެ ލީޑަރެއްކަމުގެ ޔަޤީންކަން އަބަދުވެސް އޮންނެވިކަމަށް ވިދާޅުވިއެވެ.
އަދުރޭ ވިދާޅުވީ 2023ގެ ރިޔާސީ ޓިކެޓް އިދިކޮޅު ޕާޓީތަކުން ދެއްވާނެ ލީޑަރަކީ ރައީސް ޔާމިންކަމަށާއި، އެމަނިކުފާނަށް ވެރިކަންލިބުމަކީ އިސްލާމްދީން ދަމަހައްޓާ، ދިވެހި ރައްޔިތުންނަށް ވެރިކަން ލިބުންކަމަށް އަދުރޭ ވިދާޅުވިއެވެ. އަދި އެއީ ޢުމްރާނީ ތަރައްްޤީގެ ކުރިބޯށިކަމަށްވެސް އަދުރޭ ވިދާޅުވިއެވެ.