ކައިވެންޏަށް 22 އަހަރު ވެފައިވާ ބޮލީވުޑްގެ ދެ ތަރިން ކަމަށްވާ އަޖޭ ދޭވްގަން އާއި ކާޖޮލް އަކީ ބޮލީވުޑްގެ ކާމިޔާބު ޖޯޑެކެވެ.
ނަމަވެސް ކާޖޮލް އަކީ ކުރިން ކައިވެންނާ ވަރަށް ދެކޮޅު މީހެއް ކަމަށާއި އޭނާ ދުވަހަކުވެސް މީހަކާ އިންނާނެކަމަށް އޭރު ގަބޫލު ނުކުރެވޭ ކަމަށް އޭނާ މިވަނީ ބުނެފައެވެ.
ޓްވިންކަލް ކަންނާގެ ޝޯވް ޓްވީކް އިންޑިއާގައި ޓްވިންކަލްއާ ވާހަކަދައްކަމުން ކާޖޮލް ބުނީ ކައިވެނީގެ ކުރިން އޭނާ ގަބޫލުކުރި ގޮތުގައި އޭނާގެ ކައިވެންޏެއް ކުރުވަން ޖެހޭނީ "ބޮލުގައި ބަޑިޖައްސައިގެން" އެވަރުގެ މަޖުބޫރު ކަމެއްގެ ތެރެއިން ކަމަށެވެ.
ނަމަވެސް އަޖޭއާ ދިމާވުމަށްފަހު އޭނާގެ މި ވިސްނުން ބަދަލުކޮށްލީ އަޖޭ ކަމަށްވެސް ކާޖޮލް ވަނީ ބުނެފައެވެ. އަދި އޭނާ ގުބޫލުކުރާ ގޮތުގައި އޭނާ އަކީ އެންމެ ރަނގަޅު ހަޔާތުގެ ބައިވެރިއެއް އުމުރުގެ ކުރީބައިގާ ލިބުނު މީހެއް ކަމަށްވެސް ކާޖޮލް ވަނީ ބުނެފައެވެ.
View this post on Instagram
ކާޖޮލް އާއި އަޖޭ ފުރަތަމަ ދިމާވީ 1995 ވަނަ އަހަރު "ހަލްޗަލް"ގެ ސެޓުންނެވެ. ނަމަވެސް މި ބައްދަލުވުމަކީ ކޮންމެހެން ދެމީހުންނަށް މާ ހާއްސަ ބައްދަލުވުމަކަށް ނުވި ކަމަށް ކާޖޮލް ބުންޏެވެ.
މިޒާޖުގައި ސަކަ އަދި އަނގަގަދަ ގޮތެއް ހުންނަ ކާޖޮލްއަށް އަޖޭ ފުރަތަމަ ފެނުނީ މާ ގަޔާވާ މީހެއްގެ ގޮތުގައެއް ނޫނެވެ. އަދި އަޖޭއަށް ވެސް ކާޖޮލް ފުރަތަމަ ފެނުނީ ވަރަށް އަނގަގަދަ އަދި އޭނާއާ ނުގުޅޭ މީހެއްގެ ގޮތުގައެވެ. ނަމަވެސް 4 އަހަރު އެކުގައި އުޅުމަށްފަހު ދެމީހުން ކައިވެންޏާ ހަމައަށް އައީ 1999 ވަނަ އަހަރުގެ ފެބްރުވަރީ މަހުގެ 24 ވަނަ ދުވަހުއެވެ.
މި ދެތަރިންނަކީ އެކުގައި ކާމިޔާބު ގިނަ ފިލްމުތަކެއްވެސް ކުޅެފައިވާ ދެ ތަރިންނެވެ.
މި ދެމަފިރިންނަށް މިހާތަނަށް 2 ދަރިން ވަނީ ލިބިފައެވެ. އެއީ 18 އަހަރުގެ ނީސާ އާއި 11 އަހަރުގެ ޔުގް އެވެ.
