ރާއްޖޭގައި އަތޮޅުތަކަށް ނިސްބަތްވާ މީހުންނާމެދު އަމަލުކުރަނީ، ބައެއް ޤައުމުތަކުގައި ކަޅު ނަސްލުގެ މީހުންނާމެދު ގެންގުޅޭފަދަ ތަފާތުކުރުންތަކެއްކަމަށް ކުރީގެ ބަންޑާރަ ނާއިބު ދިޔާނާ ސަޢީދު ވިދާޅުވެއްޖެއެވެ.
އެކަމަނާ މިހެން ވިދާޅުވީ، މާލޭގެ ވިޔަފާރި ބަނދަތު ގުޅިފަޅަށް ބަދަލުކޮށްފައި ވެސް އެ ތަނުން މާލޭގެ މީހުންނަށް ބޯހިޔާވަހިކަމަށް ބިން ދޫކުރެވޭނެކަމަށް މާލެ ސިޓީގެ މޭޔަރު ޑރ.މުޙައްމަދު މުޢިއްޒު ރޭ ވިދާޅުވުމާއި ގުޅިގެންނެވެ. ގުޅީފަޅަށް މާލެ ވިޔަފާރި ބަނދަރު ބަދަލުކުރުމަކީ ސަރުކާރުގެ ވަޢުދެކެވެ. ނަމަވެސް މުޢިއްޒު ވަނީ ވިޔަފާރި ބަނދަރު ތަރައްޤީކުރުމަށް އެންމެ ރަނގަޅަކީ ތިލަފުށިކަމަށް ވިދާޅުވެ ސަރުކާރުގެ ސިޔާސަތު ބަދަލުކުރުމަށް ގޮވާލައްވާފައެވެ. އަދި ގުޅީފަޅު ގޯތި ދިނުމަށް ޚާއްޞަކުރުމަށް މުޢިއްޒު އެދިވަޑައިގެންފައިވެއެވެ.
އެންމެ ފަހުން މުޢިއްޒު ރޭމިވަނީ ގުޅީފަޅުގައި ބަނދަރު ތަރައްޤީކުރިނަމަވެސް މާލެ މީހުންނަށް ގޯތި ދޫކުރުމަށް ގޮވާލައްވާފައެވެ.
އެކަމާއި ގުޅިގެން ކުރީގެ ބަންޑާރަ ނާއިބު ދިޔާނާ. ސަޢީދު ވިދާޅުވީ ޖަޒީރާ ރާއްޖެފަދަ ރީތިކިޔަސް ކުރިއަށްދަނީ އެއްތަނަކަށް ތަރައްޤީ ބައްކޮށް މަރުކަޒު ކުރުމުގެ ސަގާފަތްކަމަށެވެ.
އަޅުގަނޑުމެންގެ ބިންތަކުގެ އެެއްވެސް ވެލިއުއެއް ނެތި އުޅެވޭނެ ގޮތެއްވެސް ނެތިތިއްބާ މިދައްކަނީ ރައްޔިތުންގެ ޓެކްސް ފައިސާއިން ބިން ހިއްކަ އަގުބޮޑު ބިން ދޭވަހަކަ.
– ދިޔާނާ ސަޢީދު
ދިޔާނާ ވިދާޅުވީ، މި ސިޔާސަތު ހުޅުވާލާ ބެލީމައި ފެންނަ ނަތީޖާއަކީ ނިޒާމީގޮތެއްގައި އަތޮޅުތަކުގެ މީހުން ތަފާތުކޮށް ނިކަމެތި ކުރާތަންކަމަށެވެ.
މިރާއްޖޭގަ އަތޮޅުތަކަށް ނިސްބަތްވާ މީހުންނާ މެދު މިއޮތީ ކަޅު ނަސްލުގެ މީހުންނާމެދު ބައެއް ޤައުމުތަކުގަ އޮންނަފަދަ ތަފާތުކުރުމެއް.
– ދިޔާނާ ސަޢީދު
ރޭ ބޭއްވި މާލެ ސިޓީގެ ހަތަރުވަނަ ދައުރަށް ހަމަސްފުރުގެ ރަސްމިއްޔާތުގައި މާލޭގެ މޭޔަރު ވިދާޅުވީ، މާލޭގެ ރައްޔިތުންނަށް އޮތް ބޯހިޔާވަހިކަމުގެ މައްސަލަ ހައްލުކުރުމަށް ސަރުކާރަށް ފުރިހަމަ އެއްބާރުލުން ދޭނެކަމަށެވެ. ހުޅުމާލެ ދެވަނަ ފިޔަވައްސާއި ގުޅީފަޅަކީ މި މައްސަލައަށް ހައްލު ގެނައުމަށް މުހިންމު ދައުރެއް އަދާކުރަނެ ދެ ސަރަހައްދުކަމަށްވެސް މުޢިއްޒު ވިދާޅުވިއެވެ.
މި ވާހަކަތަކަށް ދިޔާނާ ފާޑުވިދާޅުވެފައިވާއިރު، މާލެ ސަރަހައްދުގެ ތޮއްޖެހުން ކުޑަކޮށް އަތޮޅުތަކުގެ ރައްޔިތުން މާލެ ސަރަހައްދަށް ޖަމާނުވާނެގޮތަށް ތަރައްޤީކުރުމަކީ ސަރުކާރުގެ ވައުދެކެވެ.
6 Responses
ސާބަސްދިޔާ ނާތިޔަ ވިދާޅުވީ ހަތެދު އަޅުގނޑުމެން ބޮލުގަ ދަރަނިއަޅުވާފަ މިހުރިހާ ކަމެއް ކުރަނީ ހަމައެކަނި މާ ލޭ މީ ހުން ބޮލުގަ މިދަ ރަނި އަޅުވާ ނަމަ ރަގު މުއީ ޒުގިލަވަހުއް ޓާލާ އޭރުން ފަހަރެއް ގަ 2023ލިބިދާނެ
ތިޔަބުނާކަމެއް އޮތީ ކަމަނާގެ ސިކުނޑިތެރޭގަ. މާލޭގެ ގިނަ ބިންތައް، ސިނަމާލެ، މާލެހިޔާ ވިލިމާލެ، ހުޅުމާލޭގެ ގޯތިތައް ނިސްބަތުން ބޮޑުބައި ލިބިފައިހުރީ މާލޭގައި ދިރިއުޅުނު ރާއްޖެތެރޭ މީހުންނަށް. މިގޮތަށް ލިބުނު އާއިލާތަކަށް މިހުރިހާ ޕްރޮގްރާމަކުން ތަންތަން ލިބުނުއިރު ހަތަރުކަށިމަތި މާލޭ އާއިލާތއް އެބަތިބި ވަންނާނޭ ތަނެއްނެތް. ކަމަނާމެންގެ ބޭނުންވަނީ ފިތުނަ އުފައްދަން.
ޥަރަށް ބޮޑު ތެދެއް. ޢަހަރުމެން ރަށްރަށު މީހުންނަށް އޮތީ ހަމަ ހުސް ނިކަމެތިކަން
ކަމަނާ އަކީ ޔޫރަޕު ދޮން ދައިތައެއްތަ؟
ކިތަންމެ ލަދުގަތަސް ތިޔައީ ހަމަ ކަޅުމީހެއް.
މީވެސް ޤަޢުމު ބައިބައި ކުރަން އުޅޭ މީހެއް ދޯ؟
ދިޔާނާ އެވިދާޅުވީ ތެދުފުޅެއް ހަޖަމް ވިޔްސް ނުވިޔްސް، މާލެ މީހުންނާއި ރާއްޖެތެރޭ މީހުން ހަމަ ގަފާތުކުރޭ ހަމަ ކޮންމެ ސަރުކާރަކުންވެސް ހާމަކަން ބޮޑުކޮށް ފެންނާން އޮތް ހަގީގަތެއް އެއީ ހަމަ ތަފާތު ކުރޭ އެއީ ތެދެއް.