ފުވައްމުލަކުގެ އެމްޑީޕީގެ އެންމެ ދުވަސްވީ އެއްމްބަރު އިދިކޮޅު ޕީޕީއެމްއާއި ގުޅިއްޖެއެވެ.
ޕީޕީއެމްއާއި ގުޅިފައިވަނީ އެމްޑީޕީ އުފެދުނީއްސުރެ އެޕާޓީގައި ހަރަކާތްތެރިވާ މުވައްމުލަކު މިސްކިތްމަގު ޑޮނާޑު އަހުމަދު އަލި ދީދީއެވެ. އޭނާއަކީ ނިމިދިޔަ އިންތިޚާބުގައާއި، އަދި އެނޫން ގިނަ އިންތިޚާބުތަކުގައައި، ސިޔާސީ ކަންކަމުގައި ފުވައްމުލަކުގެ އެމްޑީޕީގެ އެންމެ އިސްބޭފުޅާއެވެ.
އަލި ދީދީ ޕީޕީއެމްއާއި ގުޅުނުއިރު، 16 އަހަރު އެމްޑީޕީގައި މަސައްކަތްކުރި ފުވައްމުލަަކުގެ ވަރުގަދަ ބޭފުޅަކުވެސް ވަނީ ޕީޕީއެމްއާއިގުޅިފައެވެ. ޕީޕީއެމްއިން މިދިޔަ ހަފްތާގައި ފުވައްމުލަކަށް ކުރި ޒިޔާރަތުގައި އެރަށުން ގިނައަދަދެއްގެ ރައްޔިތުން ވަނީ ޕީޕީއެމްއާއި ގުޅިފައެވެ. މީގެ ތެރޭގައި ވެރިކަންކުރާ މައި ޕާޓީ އެމްޑީޕީގެ ގިނަ މެމްބަރުންތަކެއް ހިމެނޭކަންވެސް ފަހަގަކޮށްލެވެއެވެ.
ޕީޕީއެމްއިން އެޕާޓީގެ މެމްބަރުން އިތުރު ކުރުމަށް މާބޮޑު ހަރަކާތްތަކެއް މިދުވަސްވަރު ނުކުރި ނަމަވެސް އަތޮޅު ތެރޭގެ ގިނަ ރަށްތަކަކުން އެޕާޓީއާއި ގުޅޭ މީހުންގެ އަދަދު މަދެއް ނުވެއެވެ. ނަމަވެސް ޕީޕީއެމް އިން އަންނަނީ ސަރުކާރު ޖަވާބުދާރީކުރުވުމަށް ގިނަ ހަރަކާތްތަކެއް ހިންގަމުންނެވެ. އެގޮތުން ރާއްޖޭގެ އެކި ސަރަހައްދުތަކުގައި ތިބި އިންޑިއާ ސިފައިން ޤައުމުން ބޭލުމަށް ގޮވާލާ އިންޑިއާ މިލިޓަރީ އައުޓްގެ ނަމުގައި އަންނަނީ ޤައުމީ ބޮޑު ހަރަކާތެއް ހިންގަމުންނެވެ. އަދި އެ ހަރަކާތުގައި ބައިވެރިވާ މީހުންގެ ޢަދަދު ގިނަވަމުން އަންނައިރު، ބައިނަލްއަޤްވާމީ މީޑިއާގެ ސަމާލުކަމަށްވެސް އެކަން މިހާރު ވަނީ އައިސްފައެވެ.
ވެރިކަން ކުރާ މައި ޕާޓިން ރައްޔިތުންނަށް ވެފައިވާ ވަޢުދުތައް ނުފުއްދި، ރައްޔިތުން އިތުރަށް ހާލުގައިޖެހެމުންދާކަމަށް ބުނެ އެމްޑީޕީއަށް ތާޢީދުކުރާ ބައެއް މީހުން އަންނަނީ ޚިޔާލުފާޅުކުރަމުންނެވެ.
One Response
އެމްޑީޕީގެ މުޅި ތާރީޚަށް ބަލާލިޔަސް އެނގެނީ އެއީ އެއްވެސް ހިންގުންތެރިކަމެއް ނެތް ދޯދިޔާ ސިޔާސަތެއްގެ ބައިގަނޑެއް ކަމެވެ. ޥެރިކަން ލިބުނު ކޮންމެ ފަހަރަކު ވެސް ހަމަ ވެރިކަން ލިބޭއިރަށް ބަލަނީ، ދިގުޒަމާން ތަކަކަށް ވެރިކަމަށް އަތްގަދަ ކޮށްގެން ތިބެވޭނެ ގޮތުގެމަތިން ރޭވުންތައް ރާވާށެވެ. ވަޢުދުތައް އޮންނަނީ މަތާރަން ފިލާމަތީގައި ހިރަފުސް އަރާފައެވެ.