ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އާއި އަލަށް ގުޅުނު 500 މީހުން ގުޅުނު ފޯމްތައް އިލެކްޝަނަށް ހުށައަޅައިފިއެވެ.
ޕީޕީއެމް އިން ބުނީ އެޕާޓިއާއި ގުޅުނު މެމްބަރުންގެ ތެރެއިން 500 މެންބަރުންގެ ފޯމް ރަޖިސްޓްރީކުރުމަށް އިލެކްޝަންސް ކޮމިޝަނަށް މިއަދު ހުށައަޅަފައިވާކަމަށެވެ.
Progressive Party of Maldives aa gulhi vadaigennevi memberunge therein 500 memberunge form register kurumah Elections commission ah miadhu vanee husha’alhaafa. #MavesPPM pic.twitter.com/C4rgL0ZrHN
— Progressive Party of Maldives (@ProgressPartyMV) November 22, 2021
ޕީޕީއެމްއިން އެޕާޓީގެ މެމްބަރުން އިތުރު ކުރުމަށް މާބޮޑު ހަރަކާތްތަކެއް މިދުވަސްވަރު ނުކުރި ނަމަވެސް އަތޮޅު ތެރޭގެ ގިނަ ރަށްތަކަކުން އެޕާޓީއާއި ގުޅޭ މީހުންގެ އަދަދު މަދެއް ނުވެއެވެ. ނަމަވެސް ޕީޕީއެމް އިން އަންނަނީ ސަރުކާރު ޖަވާބުދާރީކުރުވުމަށް ގިނަ ހަރަކާތްތަކެއް ހިންގަމުންނެވެ. އެގޮތުން ރާއްޖޭގެ އެކި ސަރަހައްދުތަކުގައި ތިބި އިންޑިއާ ސިފައިން ޤައުމުން ބޭލުމަށް ގޮވާލާ އިންޑިއާ މިލިޓަރީ އައުޓްގެ ނަމުގައި އަންނަނީ ޤައުމީ ބޮޑު ހަރަކާތެއް ހިންގަމުންނެވެ. އަދި އެ ހަރަކާތުގައި ބައިވެރިވާ މީހުންގެ ޢަދަދު ގިނަވަމުން އަންނައިރު، ބައިނަލްއަޤްވާމީ މީޑިއާގެ ސަމާލުކަމަށްވެސް އެކަން މިހާރު ވަނީ އައިސްފައެވެ.
ވެރިކަން ކުރާ މައި ޕާޓިން ރައްޔިތުންނަށް ވެފައިވާ ވަޢުދުތައް ނުފުއްދި، ރައްޔިތުން އިތުރަށް ހާލުގައިޖެހެމުންދާކަމަށް ބުނެ އެމްޑީޕީއަށް ތާޢީދުކުރާ ބައެއް މީހުން އަންނަނީ ޚިޔާލުފާޅުކުރަމުންނެވެ.
