ހުޅުމާލެ ކާޑުގުދަން ބަންދުކޮށް ހުޅުމާލެއިން ކާޑު ގަންނަން ނުލިބުމުން ހުޅުމާލެ ދާއިރާގެ ކައުންސިލް މެންބަރު އިބްރާހީމް ޝުޖާޢު ކަންބޮޑުވުން ފާޅުކުރައްވައިފިއެވެ.
ހުޅުމާލޭގައި ހުންނަ އެސްޓީއޯ ކާޑުގުދަން ބަންދުކޮށް، އެތަނުން ކުރަމުން އައި ވިޔަފާރި 30 އޮކްޓޫބަރުން ފެށިގެން ލިބޭނީ މާލޭ ކާޑު ގުދަނުންކަމަށް އެސްޓީއޯއިން ބުނާ ނޯޓިސްއެއް ވަނީ ހުޅުމާލެ ކާޑު ގުދަނުގެ ދޮރުގައި ހަރުކޮށްފައެވެ. ހުޅުމާލެ ކާޑު ގުދަނުން ކުރިން ޚިދުމަތްދިނީ ވަގުތީ ގޮތުންކަމަށްވެސް އެ ލިޔުމުގައިވެއެވެ.
ހުޅުމާލެ ކާޑު ގުދަނުން ފޯރުކޮށްދެމުންދިޔަ ޚިދުމަތް ހުޓާލުމާއި ގުޅިގެން ހުޅުމާލެ ދާއިރާގެ ކައުންސިލް މެންބަރު އިބްރާހީމް ޝުޖާޢު ވަނީ، ކޮވިޑްގެ އެންމެ ނުރައްކާ ހާލަތުގަވެސް ހުޅުމާލެ އިން ހަނޑޫ،ހަކުރު،ފުއް ގަންނަން ލިބުނުކަމަށް ހާމަކުރައްވާ، އެއީ ކޮވިޑާގުޅިގެން އެޅި ފިޔަވަޅެއްނޫންކަމަށް ވިދާޅުވެފައެވެ.
ޝުޖާޢު ވިދާޅުވީ، ހުޅުމާލެ ރައްޔިތުންނަނަށް ހުޅުމާލެއިން ކާޑު ގަންނަން ލިބެންޖެހޭނެކަމަށާއި، ރައީސް ޔާމީންގެ ވެރިކަމުގައި ބަސްތާމަގުން އެސް.ޓީ.އޯ ހުޅުމާލެ ކާޑު ގުދަނުން ރައްޔިތުންނަށާއި ވިޔަފާރި ވެރިންނަށް ބޭނުންވަރަކަށް ކާޑު ގަންނަން ލިބޭކަމަށް ވިދާޅުވިއެވެ. ނަމަވެސް މިހާރު ހުޅުމާލެ ކާޑު ގުދަން ބަންދުކޮށްފައިވާކަމަށާއި، ހުޅުމާލެ ފޭސް2 އާބާދުވި މިވަގުތު،ހުޅުމާލެ އިން ކާޑު ގަންނަން ނުލިބުމަކީ ކާމިޔާބެއްތޯ ޝުޖާޢު ސުވާލުކުރެއްވިއެވެ.
ކޮވިޑްގެ އެންމެ ނުރައްކާ ހާލަތުގަވެސް ހުޅުމާލެ އިން ހަނޑޫ،ހަކުރު،ފުއް ގަންނަން ލިބުނު.މިއީ ކޮވިޑާގުޅިގެން އެޅި ފިޔަވަޅެއްނޫން.ނިއު ނޯމަލްނއަށްނދިޔާމަތޯ ފިޔަވަޅު އަޅަންވީ؟އެސް.ޓީ.އޯ ހުޅުމާލެ ކާޑު ގުދަނުން ސްޓާފުން ޕޮސިޓިވް ވިއިރު މިފިޔަވަޅެއްނެތް؟ކީއްވެތީ @stoplc @HusenAmr؟1/3 pic.twitter.com/FUvtrbqpkG
— Ibrahim Shujau (@IbrahimShujaau) November 21, 2021
ޝުޖާޢު ވަނީ ރައްޔިތުމީހާ ޕިކަޕު ކުއްޔަށް ހިފައިގެން ކާޑު ބަސްތާ މާލެއިން ގަނެގެން އަންނަން ޖެހުމަކީ ހެޔޮވެރިކަންތޯވެސް ސުވާލުކުރައްވާފައެވެ. ހުޅުމާލެ ރައްޔިތުންގެ އާދޭހަކީ ހުޅުމާލެއިން ކާޑުލިބޭނެ ގޮތްވުންކަމަށްވެސް އޭނާ ވިދާޅުވިއެވެ.
ހުޅުމާލެ ފޭސް2 އާބާދުވި މިވަގުތު،ހުޅުމާލެ އިން ކާޑު ގަންނަން ނުލިބުމަކީ ކާމިޔާބެއްތޯ ރައީސް @ibusolih؟ރައްޔިތުމީހާ ޕިކަޕު ކުއްޔަށް ހިފައިގެން ކާޑު ބަސްތާ މާލެއިން ގަނެގެން އަންނަން ޖެހުމަކީ ހެޔޮވެރިކަންތޯ؟ހުޅުމާލެ ރައްޔިތުންގެ އާދޭހަކީ ހުޅުމާލެއިން ކާޑުލިބޭނެ ގޮތްވުން.3/3 pic.twitter.com/hqohnVd128
— Ibrahim Shujau (@IbrahimShujaau) November 21, 2021
ޝުޖާޢު މިހެން ވިދާޅުވެފައިވާއިރު، ހުޅުމާލޭގައި ދިރިއުޅޭ މީހުންގެ ޢާބާދީ އަންނަނީ އިތުރުވަމުންނެވެ. އެގޮތުން ހިޔާ ފްލެޓްތަކަށް ދިރިއުޅުން ބަދަލުކުރާ މީހުންގެ ޢަދަދުވެސް އިތުރުވެފައިވާއިރު، ހުޅުމާލެއިން ބައެއްް ޚިދުމަތްތައް ނުލިބޭތީ އެފަރާތްތަކުން އަންނަނީ ކަންބޮޑުވުން ފާޅުކުރަމުންނެވެ.
ކޮމެންޓު ފޮނުވާ